影片
更多
2023-06-07
11 浏览
平时比较少去西环，呢个星期日去港岛西行下影下相，顺便揾好西食嚟到呢间西餐厅，先比佢红色砖墙装修吸引，离远已经见到好抢眼！呢度原来系少爷啤酒开的，主打Pizza同啤酒。今晚我地试咗2人餐 ($238/位)。个Set Menu入面已经有好多选择，包括餐前小食、鸡翼、沙律、Pizza & Pasta同埋啤酒或无酒精饮品。餐前小食(3选1)：招牌肉丸好大粒的猪肉丸，肉味浓亦够juicy，口感软绵鸡翼：(2选1)：威士忌烧烤炸鸡翼睇个名开头以为系酒味好浓的鸡翼，但其实系炸咗再舖上烧烤酱，甜甜酸酸都几惹味，另外配有姜蓉酸忌廉酱，用西芹点嚟食都唔错！腐乳汁凯撒沙律沙律菜爽口新鲜，入面有叉烧粒（唔系平常食开的烟肉粒）及芝士碎，口感丰富份量亦唔少，不过就唔太觉有腐乳味。Pizza & Pasta (13款薄饼及1款意粉选1)：烟肉芝士汉堡薄饼据讲呢间餐厅的薄饼系用handmade sourdough即酸种面包制作，饼底外围脆，中间薄，口感有少少烟烟韧韧。材料就系平时食开芝士汉堡的材料：包括腌青瓜、烟肉、番茄粒、芝士同汉堡肉碎，再配上千岛汁，平时我食Pizza最多食到两件，但呢个唔觉唔觉食咗一半都唔觉好腻
嚟到呢间西餐厅，先比佢红色砖墙装修吸引，离远已经见到好抢眼！
呢度原来系少爷啤酒开的，主打Pizza同啤酒。今晚我地试咗2人餐 ($238/位)。个Set Menu入面已经有好多选择，包括餐前小食、鸡翼、沙律、Pizza & Pasta同埋啤酒或无酒精饮品。
餐前小食(3选1)：招牌肉丸
好大粒的猪肉丸，肉味浓亦够juicy，口感软绵
鸡翼：(2选1)：威士忌烧烤炸鸡翼睇个名开头以为系酒味好浓的鸡翼，但其实系炸咗再舖上烧烤酱，甜甜酸酸都几惹味，另外配有姜蓉酸忌廉酱，用西芹点嚟食都唔错！
腐乳汁凯撒沙律沙律菜爽口新鲜，入面有叉烧粒（唔系平常食开的烟肉粒）及芝士碎，口感丰富份量亦唔少，不过就唔太觉有腐乳味。
Pizza & Pasta (13款薄饼及1款意粉选1)：烟肉芝士汉堡薄饼据讲呢间餐厅的薄饼系用handmade sourdough即酸种面包制作，饼底外围脆，中间薄，口感有少少烟烟韧韧。材料就系平时食开芝士汉堡的材料：包括腌青瓜、烟肉、番茄粒、芝士同汉堡肉碎，再配上千岛汁，平时我食Pizza最多食到两件，但呢个唔觉唔觉食咗一半都唔觉好腻。
呢个2人餐包咗两杯饮品，可选择tap beer或无酒精饮品。呢晚餐厅有7款tap beer可以拣，由于平时我比较少饮啤酒，但既然呢度出名啤酒，所以就拣左一款酒精浓度比较低(3%)，果味较浓的Young Master Hi Juice Session Ale试下。
闻落已经有好重果香，饮落好易入口又带少少甜味，就算唔识饮酒都冇问题另一杯就拣咗无酒精Mocktail: Mango Virgin Mojito，入面有薄荷叶、青柠、芒果及梳打，饮落好Fresh，尤其适合依家咁热的天气饮！
顺带一提，餐厅仲有freeflow饮品优惠，2个钟任饮$300/位(另收加一服务费)，有5种啤酒加1梳打、HouseRed & White Wine、罐装Higherthan、Highball、柠檬水、果汁同梳打可以选择，适合同朋友慢慢饮下野倾下计
张贴
