影片
更多
2021-12-28
1194 浏览
由于要帮一位好有taste嘅朋友庆祝生日🥂，两个月前已经book定呢间环境非常之靓嘅米芝莲一星⭐法国餐厅🤭。呢间餐厅位于中环PMQ入口处，分左两层，下层有outdoor饮野区域+indoor dining area, 上层系半户外嘅 dining area。 Outdoor area用左大量植物同灯饰布置，夜晚好有情调，而且出面系PMQ平台花园，比较宁静，好适合倾计。今次坐嘅系下层 Indoor area， 系复古法式装修，暗黄灯光加上带粉色嘅热带风情墙身，好适合作为影相背景☺️。 ♥️Roasted Hong Kong yellow chicken, Niigata rice 'en cocotte', salad （$1288）餐厅招牌菜之一，香烤本地黄鸡拌日本新潟米炖饭，系加入香港饮食元素嘅一道法式料理。 制作时间需要50分钟，所以如果要试就第一时间嗌定啦😆。呢道菜包含全只烤鸡、鸡油饭同沙律，份量足够4个人食。首先会全只鸡上桌比客人影相，然后侍应会再攞入厨房分件。 烤鸡色泽金黄而且均匀，鸡皮薄脆，鸡肉近腿部关节位尤其嫩滑，咬落去会有肉汁慢慢渗出🤩。个人觉得同中式脆皮烧鸡嘅分别在于牛油
Outdoor area用左大量植物同灯饰布置，夜晚好有情调，而且出面系PMQ平台花园，比较宁静，好适合倾计。今次坐嘅系下层 Indoor area， 系复古法式装修，暗黄灯光加上带粉色嘅热带风情墙身，好适合作为影相背景☺️。
♥️Roasted Hong Kong yellow chicken, Niigata rice 'en cocotte', salad （$1288）
餐厅招牌菜之一，香烤本地黄鸡拌日本新潟米炖饭，系加入香港饮食元素嘅一道法式料理。 制作时间需要50分钟，所以如果要试就第一时间嗌定啦😆。
呢道菜包含全只烤鸡、鸡油饭同沙律，份量足够4个人食。首先会全只鸡上桌比客人影相，然后侍应会再攞入厨房分件。 烤鸡色泽金黄而且均匀，鸡皮薄脆，鸡肉近腿部关节位尤其嫩滑，咬落去会有肉汁慢慢渗出🤩。个人觉得同中式脆皮烧鸡嘅分别在于牛油同香草味较浓郁，烤鸡皮下脂肪唔多，食落冇咁油腻但依然充满肉汁。
饭系用法式炖锅烹调，饭粒圆润饱满，加入鸡油、脆鸡皮同葱花，有淡淡嘅油香同饭焦香，食落口感爽脆。如果同港式煲仔饭比，呢个鸡油饭嘅调味较清淡，香气主要由脆鸡皮同鸡油带出。
♥️Angel hair pasta, Kristal caviar, black truffle, kombu （10g $488）
另一道餐厅人气之选－鱼子酱昆布松露天使面。天使面系冻食嘅，面嘅质地比较有弹性，调味酸酸甜甜好开胃，配上10克法国晶钻鱼子酱。 但天使面份量偏少，我觉得一个人都食得晒😝，所以人多的话就只能浅尝了。
♥️'Grand cru' chocolate （$158）
系浓厚朱古力雪糕、朱古力脆脆加饼底，个人觉得有点漏，而且味道唔太惊艳。不过朱古力控可以一试。
♥️Mango and passion fruit Pavlova, Tahiti vanilla ice cream （$158）
外面一粒粒同一块块嘅系蛋白糖，中间系云呢拿雪糕，上面有热情果同芒果做嘅cream,加上新鲜芒果粒，味道清新。
♥️Madeleine
法式贝壳小蛋糕，形状同色泽都好靓，外脆内软，好香牛油味。
♥️Canele
传统法国甜品，外层有焦糖，咬落脆脆地又好烟韧，里面有冧酒嘅香味。
整体食物质素唔错，餐厅环境非常雅致，但食物份量普遍比较少（烤鸡除外）。甜品方面，个人认为传统法式甜品 Madeleine同Canele做得比较出色。如果系庆祝特别日子或者对用餐环境要求较高嘅朋友，可以谂一谂🤭。
张贴
