BKK

🇹🇭🥢🥣PMQ镬气泰菜▫️以下为lunch 价钱☑️ 泰式和牛炒粿条-$118呢个炒粿条真系好好食🤤好有镬气，厨房就系隔离，听到晒炒野镬气嘅声音。粿条即系河粉，色香味俱全，调味惹味，而且有爽口嘅芥兰苗同粟米芯喺入面增加口感，令口感更丰富。至于和牛片都有好多块，大大块几入味，又吾会好难咬。想食辣嘅隔离都仲有个辣酱捞埋嚟食。☑️虎虾金边粉-$98呢度嘅金边粉比较阔身，但系都幼个河粉，口感对比出面嘅泰国餐厅较为烟韧，但系我地就觉得口感几好👍🏻。呢碟金边粉嘅旁边有一小碟小菜，我哋唔知咩嚟就捞埋落去一齐食。金边粉同样好有镬气，煮得几好味，不过相对炒粿条就冇咁浓味。虎虾有三件，好弹牙，另外都有大量嘅豆腐干、芽菜、花生碎，亦都有辣椒粉同青柠汁，调配自己钟意嘅味道。☑️冬荫功-$98都分到4小碗，几好饮，酸辣开胃，有大量草菇同埋秀珍菇，另外仲有一只开边大头虾。但系就冇蕃茄喺入面。🆗橙汁-$15以为真系橙汁，原来系芬达汽水😂有少少误导🆗香辣炒通菜-$48炒通菜都好有镬气，份量吾少，仲要比起出面嘅马拉盏炒通菜平，不过相对冇咁惹味。但系钟意食辣嘅人应该几钟意，因为呢碟炒通菜都用上咗豆酱同埋自家制炒酱，都几辣。