agnès b. DÉLICES (已結業)

早前食友生日，送了份小禮物給她，之後竟然獲回贈一盒盒面繫上啡色蝴蝶結的《agnès b. DÉLICES》皇牌手造夾心朱古力，嘩，真令我受寵若驚啊！定睛細看，盒朱古力個包裝精美得差點唔捨得拆開嚟食添，謝謝妳對我的厚愛呀，未食已經令人個心都甜埋。原來 DÉLICES 在法文即解作「美味、好吃」的意思，咁美味的朱古力，當然要同家人分享喇。Praline Gift Set，一盒 9 粒，每粒都會印上一個唔同的圖案，想知道每一粒巧克力的味道，相信就要花點精神和時間，按圖索驥了。至於筆者今次獲贈的這盒 Praline 朱古力，由上至下，從印有字母 b. 開始，分別有：藍莓芝士牛奶朱古力、 香脆米黑朱古力、柚子黑朱古力海鹽焦糖奶朱古力、開心果黑朱古力、香蕉牛奶朱古力伯爵茶黑朱古力、綠茶黑朱古力、青檸檬黑朱古力雖然筆者只品嚐過當中的 3 粒，並非每一款都試過，但感覺幾款味道都不俗，尤以開心果黑朱古力的口味最為突出，朱古力入口幼滑細緻，而且吃起來充滿開心果的濃香，若閣下是開心果迷的話，就千祈唔好錯過。至於青檸檬黑朱古力，入口帶點自然酸香，感覺挺清新，味道亦頗討人喜愛；而海鹽焦糖奶朱古力，成品以甜膩的焦