一盛極牛 (已結業)

知我钟意食拉面，有朋友专门介绍我地黎食呢间，话汤底同和牛都好正。星期二晚去到座无虚席仲要排队，仲见到有日本家庭去食。店入面空间几阔落又够光，仲望到师傅整面同烧牛肉，加埋D香味真系越睇越饿！两款拉面选择 – 极牛拉面同白牛拉面，都系牛骨酱油汤底，白牛则系再加上白松露。落单好贴心，每个配菜都可以拣份量，汤底浓淡同面嘅硬度都可以拣，好tailor-made。可借太夜去到已经冇哂和牛刺身，试唔到。极牛拉面牛骨汤配合酱油味道，令成个汤底好浓郁，拉面煮得几弹牙，夹埋木耳丝同荀食落更加爽口，味道好丰富。主角灸烧和牛色泽真系超靓！微微烧过表面，入面仲见到粉嫩嘅肉色，入口有牛油香但唔会觉的油腻，越咬牛味越浓，用和牛味道果然有保证。白牛拉面配料以及拉面都同极牛一样，唯一唔同系白牛汤底加左白松露，一黎已经闻到松露嘅香气。初初饮落松露味道好突出，慢慢牛骨汤嘅清香会渗出黎，个人更喜欢白牛汤底，好有层次。好想问下老板系用咩蛋，总觉得食落好软滑，仲有好特别嘅香味，好好食！讲真拉面价钱唔平，不过用高质和牛加上有心机嘅出品，个人觉得值得，食得好满足！