露面手工拌麵料理

今日约左表妹放工一齐食饭，我地都好想食台湾面，就系湾仔揾左呢间手工面，见价钱又ok就试下啦。好，坐低坐低睇吓有咩好食先。鲜茄牛腩拌面，一人拌面餐，有面、小食、饮品，抵食。呢个汁好浓茄味，捞面一流。仲有大半只蕃茄，两大件牛腩，牛腩虽然大大件，就炆得好腍。麻辣云耳，个麻辣味好香好有力，爽脆云耳，正！镇店蟹皇拌面，个蟹皇汤有一丝丝蟹肉，浓厚又稠身，加埋Q弹手工面，好好味。仲有个醋可以自由配搭，提升鲜味。韭菜猪肉饺，个饺皮多薄，见到好通透，食落个馅料丰富多汁。最后叫左粒粒苹果蜂蜜茶，清甜解渴。