台北巷弄 (已結業)

好想食芋圆呀，唔知点解突然好想食。经开将军澳广场见到有人食紧就，就谂住买返个返去食。舖名叫台北巷弄，即刻又谂起囡囡钟意食盐酥鸡，睇完餐牌决定叫个小食拼盘，入边有酱油鸡翼、花枝丸、甜不辣同埋盐酥鸡，买黎返屋企加𩠌好岩食😋，再加个仙草冻芋圆3号仔，料都好多，有仙草冻（凉粉）、红豆、芋泥同埋最想食既手工芋圆。小食拼盘（$78）鸡翼够入味，花枝丸同甜不辣够晒弹牙，而盐酥鸡皮脆肉嫩，够晒香口野味😍。想自私食既仙草冻（$40），结果被瓜分左，可能因为咁，觉得仙草冻唔够甜，芋泥就较甜，应该食法系要沟埋一齐食，因为被瓜分左，变左分开独立食就味道差D，如果钟意冇咁甜就分开食，钟意甜就可以一齐食。最后最想食既芋圆，学台湾人讲法够晒Q弹，好咬口，超好味👍🏻