Terrace in seaside (MOKO新世紀廣場)

营业中

休息中

前排先同朋友讲九龙塘又一城开咗分店，估唔到连旺角都开咗😱😱😱，新店位于旺角东Moko新世纪广场嘅food court，刚刚开已经人气旺盛，好彩座位都算多，唔需要等好耐就入座。韩国蛳蚶拌饭 $192呢个蛳蚶拌饭又系差不多每次必食，一半嘅蛳蚶配一半嘅饭，有少少辣更加惹味！炸大鱿鱼拌炸酱面 $195食过唔同分店，好似系第一次见炸鱿鱼配炸酱面，炸酱汁份量刚刚好。酥脆鸡胸软骨 $62鸡胸软骨同平时食开嘅有啲唔同，炸完嘅鸡胸软骨又爽又脆。济州柑橘乳酪 $68热情金菠萝沙冰 $68呢两杯饮品系呢间店嘅特色，每次见到原个橙同菠萝系上面都觉得好得意💕💕，柑橘系乳酪底比较甜，菠萝系沙冰底有少少酸又带点清新。柑橘窝夫伴雪糕 $135呢间嘅窝夫系唔会令人失望，窝夫搭配柑橘果肉、雪糕同忌廉令到口感丰富又有层次。