火之神

营业中

休息中

朋友介绍旺角有间新开既猫猫餐厅QRF，店内有3只可爱猫猫，不时会经过你身旁，大家可以一边食一边同佢哋玩。餐牌提供多款日式丼饭、咖喱/蛋包饭、粉/面/赞岐乌冬、沙律，全部都配热饮和汽水，另外仲有小食和饮品。烧鸡扒沙律：摆盘好靓，鸡扒煎得香口，肉质嫩滑，肉汁丰富；沙律菜爽脆，配芝麻沙律酱，充满日式风味。牛肉拉面：上枱散发著香喷喷既浓厚鸡汤味，牛肉入口软腍，味道有惊喜，而且份量好多，拉面软硬度适中，面条沾满鸡汤既精华，非常好食。炸饺子：饺子煎得金黄香脆，内馅既菜和肉，比例恰到好处，配上日式沙律酱，味道更加一流。炸薯条：新鲜炸起，够晒热辣辣，特别脆口，洒上七味粉，不用沾任何酱汁，已经好食到唔停得口。总结，食物全部即叫即做，新鲜好味，值得与三五知己到来，与猫猫共渡美好时光。