影片
更多
2022-10-09
1509 浏览
为隆重其事R先生的18对生日，而我又咁岩要去对面海拎野，所以俾左2间餐厅佢拣，最后佢拣左BRESOLA～今日我地book左7:15，餐厅职员都早半个钟打黎问我地系未会到，但最后我地都系迟到(因为我同大股东搭错电车)，我地去到既时候，R先生已经坐左系到等我地～去到个环境，觉得好grand，可能西餐厅既关系，因为灯光比较暗，而门口已经系电车站，都几得意～餐厅唔算大，大概只有6张枱到，我地都坐得几舒服，我地打开餐牌时，未有头绪想食咩既时候，侍应去埋黎话俾我地听是日精选同佢地出名系D咩，R先生睇左1阵，就叫左呢几个菜:⁃ Tuna Salad⁃ Steamed N.Z. Blue Mussels⁃ Rosemary Lamb Chops⁃ Linguine Carbonara With Smoked Salmon咁叫完菜，以我地2个酒鬼性格，食西餐好难唔饮酒架嘛，所以我地就叫多左枝白酒:⁃ Chardonnay ’18: Bonarda: AE之后白酒黎到，因为我地讲唔想饮D咁甜既白酒，所以我地拣左枝酒味重D既，而入口亦都好舒服，呢个侍应哥哥非常专业～倾左阵计，食物就黎到喇，就先系St
今日我地book左7:15，餐厅职员都早半个钟打黎问我地系未会到，但最后我地都系迟到(因为我同大股东搭错电车)，我地去到既时候，R先生已经坐左系到等我地～
去到个环境，觉得好grand，可能西餐厅既关系，因为灯光比较暗，而门口已经系电车站，都几得意～
餐厅唔算大，大概只有6张枱到，我地都坐得几舒服，我地打开餐牌时，未有头绪想食咩既时候，侍应去埋黎话俾我地听是日精选同佢地出名系D咩，R先生睇左1阵，就叫左呢几个菜:
⁃ Tuna Salad
⁃ Steamed N.Z. Blue Mussels
⁃ Rosemary Lamb Chops
⁃ Linguine Carbonara With Smoked Salmon
咁叫完菜，以我地2个酒鬼性格，食西餐好难唔饮酒架嘛，所以我地就叫多左枝白酒:
⁃ Chardonnay ’18: Bonarda: AE
之后白酒黎到，因为我地讲唔想饮D咁甜既白酒，所以我地拣左枝酒味重D既，而入口亦都好舒服，呢个侍应哥哥非常专业～
倾左阵计，食物就黎到喇，就先系Steamed N.Z. Blue Mussels，以前我对青口系有少少抗拒，但呢几年都开始食，青口个汁有少少辣，但配落青口到唔错，加埋白酒，开心仔～
然后既Tuna Salad亦系出色，吞拿鱼够厚，食落去亦都唔腥，唔错唔错～
黎到羊架，虽然大股东成日话唔食，但系都系食左，有3旧，我地3个人岩岩，羊架我地觉得普普通通，但重点在于薯蓉，个薯蓉系有薯粒架，食落去好似食紧薯仔咁劲开心～
因为我地觉得唔够食，所以叫左个卡邦尼意粉，卡邦尼亦都系我同R先生既喜爱之一，所以我地就叫左佢，呢到既卡邦尼有齐我地芝士同忌廉，酱汁做得好丰富，好有口感，意粉亦都刚刚好～
正当我地见个Memu系冇甜品，要出去揾甜品食之济，服务好好既侍应哥哥即刻为我地递上甜品Memu (真系好贴心)，我地睇完就叫左以下甜品:
⁃ Tiramisu
⁃ Affogato
我地首先系食左Tiramisu，蛋糕做得好棉，令我地1食落口就熔左，好好食～
至于Affogato系R先生独享，佢话咖啡既香撞落雪糕上，感觉得好神奇，饮落去就好似泡沫咖啡既味道，所以佢就好快食晒(定饮晒呢)～
总结: 呢1餐当然唔平，但食物相当高质，由拣酒到拣甜品既过程，侍应哥哥都俾左好多意见我地，而且侍应哥哥都独狂同我地讲笑，由于大股东唔饮酒既关系，佢同侍应哥哥讲佢渣车唔饮得酒，侍应哥哥就不停叫佢下次黎食饭唔好渣车。重有佢同R先生讲秘密，哄到R先生好开心，所以我最后都有俾贴士，我地亦都过左1个好欢乐既夜晚～
P. S. 我见餐厅系Openrice有coupon，book位时睇下用唔用到？ 利申: 我岩岩先睇到
张贴
