Rasoi 傳統印度菜 (已結業)

大角咀一向多好野食，见到 Rasoi 传统印度菜咁多好评，加上平时好少去咁传统的印度餐厅，一于试下。因为好早去到，所以都唔需要等位，餐牌有好多选择，多到最后都系叫返二人餐就算。而且二人餐都有好多野食，足够俾三个人食。下左单冇耐就有胡椒脆饼食，仲跟左三种酱汁，分别有BBQ酱、奶酪酱和薄荷酱。胡椒脆饼够脆，就咁食已经好好食。而三款酱中最推荐中间橙黄色的奶酪酱，BBQ酱偏浓味，薄荷酱都好清香，但未必啱香港人口味。Mango Lassi - 这个芒果酸奶好香的芒果味，而且唔会太重乳酪味，味道唔错。小扁豆、薯蓉咖喱角、炸蔬菜 - 三样都炸得不错，味道都正正常常。另外仲有无骨烧鸡+烤鱼块，不过又唔记得影相，鸡和鱼都各两件，两者的味道都过得去，鸡的肉质比较干身，虽然唔算十分美味，但仍可接受。磨菇玉米 - D个汁不得之了，磨菇玉米够香甜外配埋香料简直一流，跟饭同烤饼都系绝配。咖喱羊肉 - 根据维基大神:印度咖哩成功的秘诀在于香料的组合与烹煮次序，而不在于炫丽复杂的烹调技巧，而羊肉因其膻味重，通常以多种香料去味。D个咖喱香气诱人，味浓郁而不过于辛辣，羊肉肉质嫩滑(不过有D松散)，但绝对系高质的咖喱羊肉。