牛大人台灣火鍋吃到飽 (鱷魚恤中心)

营业中

休息中

食过几次，啲员工态度唔好都唔系新鲜事，不过冇咩搞到我都唔点理话哂街档。今次我系第一次写呢间食评。一直以来都要用网上订座，𠮶日突然有位朋友想黎谂住打电话去加位，电话只有录音冇人可以直接对话，然后手机有佢地嘅来电，但响左两声就收线一直都打唔到。最后要去佢社交平台私讯问叫我去walk in，去到佢同我讲今日full哂，就算依家三人入座都系安排二人枱，我以为佢系话二人枱加张櫈然后佢话我知三个人坐二人卡位，𠮶下我火起问𠮶位小姐，不如你话我知你试下坐唔坐到啦，佢已经无言以对，最后佢要我地等叫号，前面有19张飞，但中间skip左好多，好快叫到我。佢话我地要同人share枱，不过间开两边我地ok。除左有个女侍应会黎收枱，其他𠮶啲都系求其望两下就走，我地啲碗同碟堆到差啲要放地下，唔够人唯有降低要求，请嘅人系差唔多喇。睇返其他啲食客comment 系观塘呢间啲人系差啲，上次食过尖沙咀啲侍应唔会西你面。经过呢次后，唔会再黎呢间。