板上 (中海日升中心) (已結業)

近年观塘工业大厦已摇身一变 “美食天堂", 有不少美食进驻, 今日路经观塘中海日升中心， 上网揾下有咩好食先，见到这间食评都唔错，就去试下啦食物款式都好多，有汉堡包啦、脆薯啦、pizza 啦、 大阪烧啦、仲有珍珠饭套餐！ 啱晒口痕嘅你、揾地方吹吹水既你、同埋肚饿嘅你…… 可以配合唔同需要嘅客人店舖环境真系好大好阔落， 地方舒适， 令人好放松 ， 而且完全无限时，任你坐几耐都得，适合一大班朋友 gathering 或者几个闺蜜倾密计都得 仲有两部大电视， 其中一部播紧足球比赛，啱晒一班球迷啦！我叫咗 “板上雪花一口牛珍珠饭” 再加咗10蚊饮特饮 “蜂蜜芦荟绿茶” 另外再叫咗佢出名既 “可乐饼”一口牛真系冇改错名，细细粒容易我哋啲斯文嘅女仔放入口，唔使再用刀叉切，非常方便牛嘅肉质都 好juicy 一啲都唔韧蜂蜜芦荟绿茶，甜度啱啱好，加埋芦荟， 感觉好润， 解渴而可乐饼， 我见网上好多人都推介， 一定要试喇 但好奇怪嘅系，冇明显嘅咖哩汁同牛肉，但竟然食到咖哩牛肉味，佢系即叫即炸， 热辣辣， 味道好夹，薯饼好松软，好好味