夢樂園 (已結業)

猫猫猫猫🐱一间有野饮有野食有猫玩既cafe😄喺尖沙咀行街行都有啲肚饿，喺北京道见到有依间以猫做主题嘅Cafe，便同朋友冲咗上去做下猫奴！餐厅喺尖沙咀北京道环球商业大厦2楼，iSquare对面，有lift 搭上去2楼,唔使行楼梯 😊推开门就见到有一个猫corner，有猫树有猫玩具仲有board game添，当日有四只猫猫🐱，有一只黑猫一只灰猫同埋两只三色猫！只黑猫超级活跃，会成日主动撩我哋同佢玩！我同朋友分别叫咗两个套餐，一个肉燥稻庭乌冬，一个肉燥饭，小食叫咗炸花枝丸同埋红油炒手，而饮品叫咗红豆冰同珍珠奶茶！稻庭乌冬既乌冬好弹牙，超好味😋，肉燥饭都唔错呀，饭面仲有一大块紫菜及两片青瓜，有菜有肉营养均衡！最值得推介系杯红豆冰，红豆冰睇得又饮得，面头有猫爪设计！红豆冰系用豆浆冲嘅，我谂同大家喺其他餐厅饮嘅唔同,用豆浆冲嘅味道好有豆香味！又唔会有太饱太滞既感觉 今餐食得好满足呀，除咗食物唔错外，仲有猫猫既陪伴，尤其系只黑猫！好黏人玩好可爱！