芒果冰 (已結業)

上次自己一个人lunch食过,今次同屋企人去食个晚饭。住在西贡，晚上其实选择不多的，带有点期望地去试下晚餐。炸鱿鱼圈$30很脆身，鱿鱼唔硬，好易咬开，唔会皮还皮鱿鱼还鱿鱼。芒果烟肉鸡肉汉堡$72我第一次食加入芒果的汉堡，起初都惊唔夹，但谂到mango应该会系招牌菜吧！而且上次食过温泉蛋汉堡，好得，就有信心试。咬入口就知道夹了，个鸡肉煎得好香配上芒果粒粒和芒果汁，甜甜酸酸好醒胃！cut开一半，用手拎住，大啖咬....系有点失仪，但....我系西贡街坊，系食得豪迈点吧！哈哈 ，讲真系几爽，起码唔洗就住仪态食！Relax 地食。忌廉白汁烟肉意粉$55好开心，系我喜欢的意粉硬度！ 简简单单，唔花巧，味道都好适中，磨菇粒粒好香，整体不错，有时一个人唔想煮，都可以走落黎食，价钱抵！Mocha $32夜了，秋秋天令我想饮热饮，估唔到个杯咁靓，哈哈。 口感好幼滑，一层层咁，好靓！搞匀杯底的朱古力，仲香！ 唔知点解，我觉得同炸鱿鱼圈好夹(但明明两者无关系) 。第二次食，我兴奋心情仲keep到㖞！ 俾个叻佢。PS. 附近有几只猫周时行过黎我脚边架，不过顾住食，无影相，下次希望再见到佢地啦。