騷 (已結業)

今晚同朋友試下呢間騷，我地3個人都一致認同呢間嘅野好食。野飲方面，我地都係嗌左Encore, 我自己就覺得普通，野食比較出色。環境好舒服（除非你怕嘈），有live band 可以聽下歌，要挑剔嘅係我地覺得張「登」有啲矮，不過可以迫你坐直個人囉！😂 野食方面我地嗌左一個小食，三個主菜。小食: 七味粉薯條推介度 （5為最高）: 佢每條都沾滿粉，而且炸得夠脆夠香口，諗唔到可以點再好啲，100分! 主菜一：黑松露磨菇意粉推介度 （5為最高）:我一向好重視意粉口感，佢嘅口感就調較得好好，汁都唔會好稀，好rich嘅感覺。主菜二：蟹肉意粉推介度 （5為最高）:同樣地佢意粉口感做得好好，不過坦白講食唔到蟹味，只係佢整體黎講嘅配搭令佢成為一個好唔錯嘅意粉。主菜三：all day breakfast 推介度 （5為最高）:坦白講，all day breakfast 都好難差得去邊。不過佢最出色嘅係黑松露炒蛋，好好味! 其他都只能說不過不失。差啲唔記得講，佢地服務態度好好。入座無限時，8點有live band。但我去果曰7點45分佢就已經開始唱。我帶左蛋糕同朋友慶生，唔單止無切餅費，佢地仲好細心咁拎蛋糕比你