Belgica (已結業)

一般都会试过间餐厅，消化一两日先会写食评，由于今次试嘅系Restaurant Week Dinner Menu，决定尽快完成，亦都系一个好机会认识Belgica。之前试过一次星期日下午去，喺无订位嘅情况下到现场，可惜撞啱休息日，今次喺Restaurant Week 嘅list 上揾得返哩间有参与，好快就决定订位。到咗餐厅感觉有点儿闷热，坐咗一阵先回到气，点餐方面就因为两个人去，而Restaurant Week Dinner Menu，大部分都喺两个选择，所以好快就搞掂。前菜有蕃茄虾沙津同蕃茄冷浓汤，两者都好清新，特别要赞嘅系个冻汤，一般都认为浓汤都会好咸，不过饮落唔单止味道适中仲好fresh好开胃。主菜就拣咗Belgian cream mussels 同Black Angus Rib Eye Steak，青口好嫩，个汁的确好creamy但唔会太腻，只系分量系少咗啲，好大瘾想试埋其余𠮶几款。但系亦都因为分量少于预期，令到可以有足够胃口享用medium rare 嘅牛扒，牛扒系切好上嘅，食落去好方面，medium rare 系刚刚有好脆嘅皮又有充满肉汁嘅嫩肉，有几件系连上一点脂肪，好香口！