Mirage Bar & Restaurant

营业中

休息中

最近Dining city ，就喺入面嘅餐厅揾间同朋友庆祝生日~见到依间有海景，又有live Band好似好啱庆祝咁。加上个Menu有担担burrata 都好似几吸引咁。隔咗一日打返个食评睇返个Menu先知原来用嘅系植物肉🤣都真系几似猪肉，但担担辣酱太浓味，同burrata cheese好似有啲唔夹，盖过咗burrata cheese嘅奶香味生牛肉他他就普普通通呢个芝士通心粉用嘅系粗管意粉都几有嚼头😆芝士味浓郁，但略嫌有少少腻，虾肉弹牙。个牛扒都系正常发挥，和牛西冷肉质柔软，有油脂香，比较喜欢薯条点𠮶个麻辣蛋黄酱，都几特别。最后尾嗌咗开心果味同奶茶味嘅Gelato，但来错咗芒果味嘅，可能只色太似🤣我觉得佢唔算系好食嘅Gelato，开心果味有啲单薄，反而奶茶味几浓郁。最后个甜品拼盘系一个玫瑰味嘅mousse cake&马卡龙，觉得太甜。而且remark 写咗庆祝生日，但餐厅Miss咗个request 直接上咗个蛋糕，冇咗个惊喜🥲但餐厅都好好，即刻做返俾我哋，个歌手仲会行去我哋枱边唱生日歌俾我地～总括而言觉得食物正正常常冇乜特别，但楼底好高同景观开扬，坐嘅环境都几舒服。