影片
更多
2022-10-12
2704 浏览
要讲到Ritz Carlton嘅印象一定系佢嘅高空海景view！呢一间意大利菜就喺Ritz Carlton嘅102楼，同层仲有二星嘅天龙轩同一间caviar bar。装修方面行贵气路线，高楼底加上落地大玻璃令环境更开扬。要想食环境的话，呢到必定唔会令你失望～ -餐厅有 4 courses $1688 p.p. 同 5 courses $2088 p.p. 嘅tasting menu，亦都可以选择a la carte。我哋食唔到咁多就选择要a la carte，喺店员推荐下点餐。之后好快就会有店员推住装满各种酒嘅餐车睇你有无需要，真系花多眼乱。不过喺饮水都要比钱嘅前提下，叫杯饮品好似又唔贵🤑-🎈Amuse Bouche有个小插曲就系我哋坐咗好耐都冇人拎menu比我哋，一问之下先知道原来餐厅系会先上Amuse Bouche 再同食客介绍menu。呢个位可以改善吓嘅就系会唔会先同食客讲会有呢样嘢，而唔系令我哋误以为佢唔记得咗我哋会好啲？😹 -入返正题，前菜方面有两款小挞、用匙羹装住嘅蟹肉同Mousseline杯。免费嘅嘢特别好食😛👉Tarts 最impressed 嘅系个蕃茄挞，有少少似进阶
要讲到Ritz Carlton嘅印象一定系佢嘅高空海景view！呢一间意大利菜就喺Ritz Carlton嘅102楼，同层仲有二星嘅天龙轩同一间caviar bar。装修方面行贵气路线，高楼底加上落地大玻璃令环境更开扬。要想食环境的话，呢到必定唔会令你失望～
-
餐厅有 4 courses $1688 p.p. 同 5 courses $2088 p.p. 嘅tasting menu，亦都可以选择a la carte。我哋食唔到咁多就选择要a la carte，喺店员推荐下点餐。之后好快就会有店员推住装满各种酒嘅餐车睇你有无需要，真系花多眼乱。不过喺饮水都要比钱嘅前提下，叫杯饮品好似又唔贵🤑
-
🎈Amuse Bouche
有个小插曲就系我哋坐咗好耐都冇人拎menu比我哋，一问之下先知道原来餐厅系会先上Amuse Bouche 再同食客介绍menu。呢个位可以改善吓嘅就系会唔会先同食客讲会有呢样嘢，而唔系令我哋误以为佢唔记得咗我哋会好啲？😹
-
入返正题，前菜方面有两款小挞、用匙羹装住嘅蟹肉同Mousseline杯。免费嘅嘢特别好食😛
👉Tarts
最impressed 嘅系个蕃茄挞，有少少似进阶版嘅pizza😹 蕃茄味好突出，好食～
👉Crab
蟹肉拌入青苹果，成件事会fresh一点。蟹肉都好鲜味，一啖食落口好方便。
👉Mousseline
最面头放咗鱼子酱嘅关系，特别配备咗贝壳羹。奶泡底下仲有龙虾，层次好丰富。
推荐指数: 7.5/10
-
🎈Bread
呢到嘅面包系一大嚿嘅Sourdough，有麦香表面够脆，不过有部分位置好似硬咗少少🤏 虽然面包比较普通，但呢到系暂时我见过最多橄榄油选择嘅餐厅！有4款由店员逐一介绍，睇返食客中意咩口味~
推荐指数: 7.5/10
-
🎈Appetiser - Veal Tenderloin Tartare 牛仔肉他他 ($468)
店员推荐下点的牛仔肉他他，有蕃茄，乌鱼子同鱼子酱作为配料。牛仔肉调味唔多，主要靠鱼子酱增加一点咸味。我自己就觉得调味比较普通，不过食材搭救。都好食不过就未到好impressed。
推荐指数: 7/10
-
🎈First Course - Sicilian "Busiate" 西西里扭纹粉 ($618)
见唔少评论都话红虾好食，加上店员推荐就试一试！红虾系我好中意嘅食材，至于扭纹粉其实我都系第一次食。意大利嘅主食都系偏硬少少，呢个扭纹粉都无例外。酱汁中嘅番茄味同虾味都好突出，扭纹粉很好地挂汁，底下嘅两只红虾仲摆成心形🫶 呢个first course好满意啊~
推荐指数: 8.5/10
-
🎈Main Course - Sirloin of Kiwami Wagyu Beef for 2 ($968)
呢到嘅Main Course都系二人份，如果想试多几款就可能要叫tasting menu啦。但系呢个Main系比较失望嘅，因为中间有一条好粗嘅筋横跨成件牛扒。佢味道系唔错的，落咗好多香料同rosemary。但因为呢条筋，所以啲肉唔系好咬得开，实在无办法享受成个过程。
店员知道咗之后都有同我哋解释返可能因为呢个系Sirloin嘅位置，所以咁啱呢一块有呢个问题。可能真系我哋唔好彩啦😮💨 店员都有提出换其他比我哋，不过食到呢到已经好饱所以就拒绝咗，最后就送咗个tiramisu比我哋。
推荐指数: 不作评论
-
🎈Cheese Platter ($120)
Cheese Platter
$120
32 浏览
0 赞好
0 留言
食完Main之后就有店员推咗放满芝士嘅餐车过嚟，对芝士认识唔深嘅不妨叫店员推荐一下！相比起soft cheese，我自己就比较中意食hard cheese。试咗4款芝士，个人比较中意橙色个只cheese😛 店员仲放咗几款果酱、蜜糖、脆饼等比我哋配搭芝士，个蜜糖超好食！
推荐指数: 7.5/10
-
🎈Dessert - Saffron Tartlet ($198)
藏红花甜品听落已经觉得好特别，都系店员力推！我唔知藏红花到底系咩味，不过就食到淡淡红酒味同芦荟味。几特别，几好食，但又唔算系我好中意嘅味道。
推荐指数: 7.5/10
-
🎈Dessert - Traditional Tiramisu ($188)
Tiramisu系传统意大利甜品，旁边配上咖啡沙冰。虽然系因为个main唔满意而送嘅甜品，但相比Saffron Tartlet我更中意呢个tiramisu。味道唔太甜，中间蛋糕适当地有酒味。
推荐指数: 8/10
-
🎈Petit Four
最后系好饱嘅时候再上埋petit four，真系完全食唔落😹 有两件小蛋糕，一粒玫瑰软糖同一粒朱古力。普普通通，不过不失。
推荐指数: 7/10
-
🎀总括而言🎀
👉食物：个牛扒有点失望，红虾扭纹粉都唔错
👉服务：知道个牛扒有问题都有及时做补救措施，呢个应对都收货。另外我哋食到成枱面包碎，佢有条野专用来扫走，好细心啊👍 知道系生日都有个生日小惊喜，另外要赞个姐姐好落力帮我哋影相！
👉环境：Ritz Carlton环境真系无得输，坐窗口位可以睇到无敌大海景~
推荐指数: 7.5/10
-
🎀其他小资讯🎀
👉订位：官网就可以book了，唔算难订
👉泊车：Element可以泊车
👉信用卡优惠：中银Private Card & 渣打优先私人理财客户 - 指定套餐买一送一
张贴
