洛奇冰室 (已結業)

登龙街惊现露体狂？非也，系大只佬洛奇！呢间位于铜锣湾食街登龙街嘅新派冰室target后生仔，食物款式令人眼花缭乱，多花款到一日三餐都可以喺到解决，咁食法睇嚟未变大只佬已经先变肥佬。；洛奇石窝脆米炒饭 $88想食煲仔饭好耐，见呢个石窝咁吸引，即叫。石窝上枱时仲系出紧烟，热气？feel到晒，必定为秋冬保暖佳品。饭炒得干身，饭粒粒分明，加上口感满满嘅脆米，以及虾、冬菇、鸡肉、瑶柱丝、脆米等多种配料，香口又暖身。；浓汤海鲜泡饭 $74海洋汤鲜甜浓郁，健康清淡之选。海鲜有带子、墨鱼、蟹柳，仲有冬菇同胜瓜，捞饭食非常饱肚呢。；铁板xo酱海鲜炒乌冬 $88炒乌冬就成日食，用铁板上枱咁霸气实为首次，有啲旧式扒房aka 金凤feel。乌冬弹牙，海鲜超多，但味道就无咩特别，如果个xo酱辣少少应该仲正。；杂果宾治 / 菠萝宾治 +$8n年无饮呢啲旧式饮品，嗌完开始淆，嚟到两杯shocking pink嘅嘢饮令我倒抽一口凉气。好彩饮落去无药水味，是汽水+罐头杂果而已。