ROYAL INN

餐厅：Royal INN地点：铜锣湾皇室堡菜式：法国菜餐牌：Express午市餐牌有5款主菜拣，价钱由$98至$128不等，另加一。可以加$18加沙律或者汤同$28或以下饮品，可加钱叫甜品。田园沙律 田园沙律用碟上，系新鲜沙律杂菜加少少洋葱，青瓜片同红车厘茄，加上香醋酸酸地，够味道，口感啖啖爽脆。牛油香辣虾蒜香忌廉手工戒指意粉 $118 另加一Al dente手工戒指意粉捞有少少豆同红萝卜粒，个忌廉酱汁丰富，味道刚好，口感一流。面头三只牛油香辣虾，香脆爽甜。烧美国猪肉眼扒 $128 另加一美国猪肉眼扒一大件，好多肉食，表面有明显烤印，加上少少烧汁。猪扒半肥瘦，肉质嫩口，猪味浓，碟边伴有烧汁同少少香甜黑醋，再另上一细兜烧汁比你自己加。肉眼扒下面伴有七件淋淋烤连皮薯仔，仲有鬼佬西兰花同烤蕃茄。面头加上菜苗同食用花。梳打水 梳打水系大大支玻璃樽装，泰国出品。另上一大杯冰，解渴之选。雪碧汽水都有可乐拣。呢度食物质素的确唔错，而且摆盘精致，呢个午餐价钱实惠。餐厅装修非常之靓，周围都有镜同水晶灯，用云石枱同木藤椅，枱面有鲜花。一入门口就有个白色喷泉，听住流水声食饭，好有欧洲风格。环境气氛唔错。