影片
更多
2016-03-19
433 浏览
香港有间以RUNNING MAN为主题既韩国餐厅，钟意食韩国野既我，当然要黎试下啦。餐厅位于商业大厦里面，墙壁挂有主角既剧照，亦都有一D造形眼镜，假发，面具，头箍等等俾大家试玩，同时提醒大家玩完记得摆回原处.每枱上都有块木牌，一面写上「唔该」，另一边写上"Beer pls" ，每次点餐或叫店员时只需要举起个牌，店员就会走过黎帮你架啦。除此之外，每枱都有Running Man 里面其中一种玩具既迷你版，未齐人时可玩下轻松下，店员佢地亦都著左背脊有名牌既运动衫，D 名牌仲系running man 里面可以撕贴果只，好得意架。前菜: 前菜有3款，分别系粟米，泡菜，同埋白萝卜，粟米捞左D似系沙律酱既酱汁，食落好开胃，至于泡菜都几辣下，食落都几过瘾，食完想再添仲可以叫职员添加架。辣炒鸡+ 韩国传统煎饼:铁锅既中间系辣炒鸡，而侧边围住既系韩国传统煎饼。辣炒鸡系用泡菜再加少少香料炒成既，鸡肉好滑，大大件，食落都相当辣，亦都好惹味。至于侧边既韩国传统煎饼都有好多款，有翠玉瓜， 茄子，蟹柳同埋菇，全部都系沾少少蛋汁再加面粉煎成既，除此之外仲有3件韩国蛋卷，蛋卷入面有好多层，一咬落去好正，玉子外皮软绵绵，
餐厅位于商业大厦里面，墙壁挂有主角既剧照，亦都有一D造形眼镜，假发，面具，头箍等等俾大家试玩，同时提醒大家玩完记得摆回原处.
每枱上都有块木牌，一面写上「唔该」，另一边写上"Beer pls" ，每次点餐或叫店员时只需要举起个牌，店员就会走过黎帮你架啦。除此之外，每枱都有Running Man 里面其中一种玩具既迷你版，未齐人时可玩下轻松下，店员佢地亦都著左背脊有名牌既运动衫，D 名牌仲系running man 里面可以撕贴果只，好得意架。
前菜: 前菜有3款，分别系粟米，泡菜，同埋白萝卜，粟米捞左D似系沙律酱既酱汁，食落好开胃，至于泡菜都几辣下，食落都几过瘾，食完想再添仲可以叫职员添加架。
辣炒鸡+ 韩国传统煎饼:铁锅既中间系辣炒鸡，而侧边围住既系韩国传统煎饼。辣炒鸡系用泡菜再加少少香料炒成既，鸡肉好滑，大大件，食落都相当辣，亦都好惹味。至于侧边既韩国传统煎饼都有好多款，有翠玉瓜， 茄子，蟹柳同埋菇，全部都系沾少少蛋汁再加面粉煎成既，除此之外仲有3件韩国蛋卷，蛋卷入面有好多层，一咬落去好正，玉子外皮软绵绵，口感好特别。
甜辣酱紫菜卷+ 韩式锅贴:韩式锅贴既馅料出奇地唔系泡菜，反而系普通既菜肉馅。至于紫菜卷就相对特别，似系用紫菜包住粉丝之类既野炸到脆身，入边既材料同紫菜好夹，食嘅时候好香脆，好似春卷咁，之后仲系上面淋上酸酸甜甜既酱，几好味。伴碟既仲有沙律，食完D肥腻野再食返D沙律感觉真系几清新。
张贴
