影片
更多
2011-10-13
40 浏览
Savour Café系元朗都已经有几年历史，食物质素亦都有一定水准，上星期得知Savour系元朗鸡地开分店，所以今晚专程黎试吓。舖头位于凤琴街与凤香街交界嘅7-11隔离，附近有唔少食肆，都好易揾。门面唔算大，只得十多呎阔，呈长方形，大门系正中间，枱櫈分两边摆，左边系三张四座位卡位，右边系一排长櫈，背靠墙身而摆，相信系方便多人一起用餐，水吧就位于这排长櫈后方，再后面，就系Savour嘅心脏地方---厨房，一直行到尾，就系两格洗手间，系洗手间隔离，仲有一只门，打开只门，原来系一间可以容纳八至十人嘅VIP房。装修格调跟旧店一样，全室呈咖啡色，一边墙身贴咖啡色暗花墙纸，另一边墙身则用啡色木板包裹，系长櫈嘅上面，挂著一幅好长嘅大油画，画中嘅人物，衣香鬓影，载歌载舞，正在开party，系左边嘅角落，就有三个人坐系一张方枱旁品酒，窃窃私语，很配合整间餐厅嘅格调；系其他嘅墙身，都挂满唔同大小嘅油画；而系卡位𠮶边，则吊著三盏水晶吊灯，别有一番滋味；门口两边嘅窗框，就挂著一袭啡色嘅窗纱，延续浪漫嘅情调。水吧亦一如旧店，高脚酒杯挂满系水吧顶，后面则摆咗唔少嘅红酒樽，数量虽然唔及旧店多，但亦贯彻旧店嘅风格；
舖头位于凤琴街与凤香街交界嘅7-11隔离，附近有唔少食肆，都好易揾。
门面唔算大，只得十多呎阔，呈长方形，大门系正中间，枱櫈分两边摆，左边系三张四座位卡位，右边系一排长櫈，背靠墙身而摆，相信系方便多人一起用餐，水吧就位于这排长櫈后方，再后面，就系Savour嘅心脏地方---厨房，一直行到尾，就系两格洗手间，系洗手间隔离，仲有一只门，打开只门，原来系一间可以容纳八至十人嘅VIP房。
装修格调跟旧店一样，全室呈咖啡色，一边墙身贴咖啡色暗花墙纸，另一边墙身则用啡色木板包裹，系长櫈嘅上面，挂著一幅好长嘅大油画，画中嘅人物，衣香鬓影，载歌载舞，正在开party，系左边嘅角落，就有三个人坐系一张方枱旁品酒，窃窃私语，很配合整间餐厅嘅格调；系其他嘅墙身，都挂满唔同大小嘅油画；而系卡位𠮶边，则吊著三盏水晶吊灯，别有一番滋味；门口两边嘅窗框，就挂著一袭啡色嘅窗纱，延续浪漫嘅情调。
水吧亦一如旧店，高脚酒杯挂满系水吧顶，后面则摆咗唔少嘅红酒樽，数量虽然唔及旧店多，但亦贯彻旧店嘅风格；系水吧同厨房嘅间格墙身，亦故意开了一个一呎高嘅玻璃窗，让客人可望穿厨房嘅工作情况，增加客人嘅信心之余，亦增添一份情趣。枱面嘅摆设，亦一丝不苟，与旧店一样，有蜡烛座、鲜花、盐、黑椒、橄榄油同醋，刀义都非常闪亮、新簇，感觉良好。
打开餐牌，发觉价钱好似比旧店贵，而且食物嘅种类都唔完全一样，仲有一个tasting menu，连甜品，唔包酒，六道菜，每位$588，不过服务员话最好预订，因为恐怕没有合适食材，佢好有诚意咁话帮我问吓大厨可否帮我准备，不过我今晚反而想散叫，所以婉拒咗佢嘅好意。
今晚有两款蚝，系Gillardeau和Ecaille，两款都系法国蚝，$288半打，我就要咗半打，每款三只；跟著就叫咗我嘅至爱---龙虾汤，正当我谂紧要什么主菜时，𠮶服务员就同我讲，佢哋d意粉同pizza都系大厨亲手自制，与旧店唔同，颇吸引，即时系pasta𠮶版搜索，但系睇来睇去，都好似提唔起我嘅食欲，最后决定要一个蟹肉意大利饭，再加一个四式芝士簿饼，就算食唔到意粉，都想试吓佢嘅pizza，哈哈。生蚝未到，当然先揣上面饱，据服务员讲，面饱都系大厨自家制作，有两款，一款系意大利簿脆，另一款系提子松饼，两款都暖烘烘，吸引，服务员放下面饱后，更主动帮我倒橄榄油同醋，非常细心；意大利簿脆，呈长条形，非常簿身，非常脆，不过味道偏淡，仲有少少油份，而且簿到唔驶咬，一放入口，已经散开，冇嚼头，有d似食空气咁，唔太喜欢；至于提子松饼，呈四方形，约一寸厚，表面脆脆哋，中间颇松化，味道带甜，几好。
食完面饱，饮一啖清水，开始品尝今日嘅生蚝，先食Gillardeau，唔知点解，已经入秋，但三只Gillardeau都唔太肥美，海水味依然，但觉得唔够鲜，肉质亦唔够爽口；至于Ecaille，比较少食，眼见亦不太肥美，但比Gillardeau鲜甜、爽脆，海水味与Gillardeau差不多，但余韵悠长，比Gillardeau好食。
品尝生蚝过后，就系我嘅至爱---龙虾汤，服务员先放下一只大圆碟系我面前，中间有一块龙虾肉，碟边则有一小块车厘茄、菜苗及香草伴碟，跟著服务员就将龙虾汤由一个茶壶倒入这只大圆碟，龙虾汤嘅香味就徐徐地散发出来，唔错，估唔到系元朗嘅餐厅仔，都有这种享受，$78一客龙虾汤，绝对不便宜，但有这种服务水平及心思，值得。先尝一口龙虾汤，味浓，香滑，绝对唔系开汤粉或罐头，相信都系真材实料熬制而成，只可惜奶味比较重，反而酒味唔足够，若果可以系忌廉及酒嘅份量再调教一吓，相信会更好味，而且汤嘅质地亦略为偏杰，调稀些少会更好。
再来嘅系蟹肉意大利饭，卖相一般，全碟食物嘅颜色都青青绿绿，意大利饭系底，上面铺咗一层蟹肉，份量都唔少，系蟹肉上面就插著一撮蕃茜，只系碟边铺上车厘茄、菜苗及香草等伴碟，唔够色彩；先把蕃茜拿走，搯一口蟹肉，咦，原来系新鲜蟹肉拆丝，鲜味无比，丝丝入扣，有惊喜，再搯一口意大利饭，浆度适中，不会太干身，毫无稔口，亦不会太烂，一挞挞，蟹肉与意大利饭嘅味道非常配合，再加几片露荀混和其中，唔错，食多两口都唔觉腻，系水准之作。
跟著系四式芝士簿饼，卖相比意大利饭好，至少都有点红色，哈哈；唔系好大个，直径约8-10吋，开六件，系正统嘅意大利簿饼，饼底簿，只系用蕃茄和芝士，没有其他馅料，非常正宗；芝士系用Mozzarella, Emmental, Gorgonzola, Parmesan四款，其实我对芝士冇什认识，不过当𠮶pizza摆上枱后，就闻到一阵浓郁嘅芝士味，非常吸引。
一手拿起一件，见到饼与饼之间嘅千丝万缕，证明大厨绝无欺场，芝士份量十足，难怪芝士味扑鼻，一咬入口，浓郁嘅芝士味充斥整个口腔，加上酸酸哋嘅茄酱味，十分醒神，饼底虽簿且脆，但并非好似饼干咁脆、咁干身，几好，整体上，系一件有水准嘅pizza，虽然食唔哂，都叫服务员帮我打包，留番宵夜食。
最后，仲叫咗个法式焦糖炖蛋，呢个甜品嘅卖相，就非常有惊喜，一只大匙羹，直径都有3吋大，盛著黄色嘅炖蛋，上面摆放咗两片士多啤梨，上枱前，服务员倒了少许rum酒，再用火机将佢点著，连火焰一起上枱，非常有特色，卖相一流，一撮蓝色嘅火焰系黄色嘅炖蛋上面，中间仲有一片红，非常吸引，视觉效果绝对不比火焰雪山逊色。可惜，当我一羹搯下去，发觉完全唔对办，d蛋心好似溶咗嘅雪糕，根本搯唔起来，好难处理，𠮶层焦糖，仲有少少㶶味，可能rum酒太多所导致，系今晚最失败之作。
整体上，食物嘅质素唔错，比旧店更好，价钱亦比旧店略高，哈哈，不过系卖相方面，应该可以改良一吓，但系全晚卖相最特出嘅甜品，质素就……；至于装修、摆设，餐具等，都系经过悉心嘅安排同选择，有大餐厅嘅风范，非常好；仲有，佢哋嘅服务亦非常好，好细心介绍每一道菜，亦非常乐意解答各样问题，而且笑容满睑，若果将来都可以维持这样服务水平，就更值得赞赏。埋单$781，好似贵咗d，不过今晚食咗半打蚝，仲有半个pizza攞走，否则应该约$400-$500一位左右。
张贴
