What The Food Cafe (已結業)

因应疫情关系我哋被指定要嗌嘢食先可以坐底（理解嘅）我地一心上去系因为依间系cafe, 咖啡店，咁正常会系有咖啡，但系冇，都算。初初觉得间cafe都几令，价钱还可以，嘢食都几好食，但过左一个钟之后突然之间俾咗张单我哋话过多半个钟就要离开，心谂咩事？问番个同事点解，佢话用餐时间个半钟，话有同我哋讲过，但我哋两个人真系冇听过。如果有同我哋讲，我哋一早走咗。cafe系一个chill, relax嘅地方，冇谂过会有限时嘅policy。𠮶时嘢又未食完又未饮完，望一望周围，咁大间cafe得两枱客，真心讲句似赶客走。有其他同事出嚟了解事情都帮唔到啲乜，一路只系识讲系公司policy，话可以帮我哋打包拎走或者半个钟内食埋走。咁死硬嘅处理方式真系未见过。我唔系特登要为难间cafe，我自己都做紧餐饮业所以我都明白佢哋有难处，但系如果可以一开始就讲明有啲咁嘅policy或者喺门面写住就已经会少咗好多问题。都系𠮶句，几好食嘅餐厅如果service差我就唔会再去。