影片
更多
2017-07-22
4445 浏览
上openrice揾食见到呢间新开嘅burger cafe，早两日打定电话黎订台，不过黎到都有小插曲，因为午饭繁忙时间黎到竟然话冇我个booking...好在即刻安排到张台比我，朋友系孕妈妈，我都唔想佢等得耐啦。午餐有意粉类、risotto、ribs/steak and chips，或者有全日供应嘅burger套餐。12:30前埋单或者著校服中学生仲可以有优惠价添。温泉蛋卡邦尼长通粉（$58）*唔记得影相*：呢个长通粉我只系浅尝左几啖，因为我唔系好钟意食白汁，不过朋友都几欣赏，将只温泉蛋捞匀落长通粉度其实都几irresistible 嘅，哈哈。香草辣椒蚬肉炒意粉（$56）：呢个好惹味，因为落咗好多指天椒粒粒，虽然就唔系好似西餐煮法，不过有创意，同埋食得辣嘅话都应该会钟意食呢个炒意粉。酱烤猪肋骨伴美式薯条（$66）：小巧精致嘅ribs，都几入味。薯条好脆口，伴碟仲有沙律菜，健康啲咁啦。餐饮可以饮茶/咖啡，或者指定特色饮品。当日嘅特饮系蓝橘菠萝梳打，酸酸甜甜，又有啲蓝色，卖相唔错，味道都OK。孕妈妈饮热朱古力（需另加$8），有好精致嘅拉花，唔饮得都睇得啦。埋单唔洗加一，只需$188，几抵食
午餐有意粉类、risotto、ribs/steak and chips，或者有全日供应嘅burger套餐。12:30前埋单或者著校服中学生仲可以有优惠价添。
温泉蛋卡邦尼长通粉（$58）*唔记得影相*：呢个长通粉我只系浅尝左几啖，因为我唔系好钟意食白汁，不过朋友都几欣赏，将只温泉蛋捞匀落长通粉度其实都几irresistible 嘅，哈哈。
香草辣椒蚬肉炒意粉（$56）：呢个好惹味，因为落咗好多指天椒粒粒，虽然就唔系好似西餐煮法，不过有创意，同埋食得辣嘅话都应该会钟意食呢个炒意粉。
酱烤猪肋骨伴美式薯条（$66）：小巧精致嘅ribs，都几入味。薯条好脆口，伴碟仲有沙律菜，健康啲咁啦。
餐饮可以饮茶/咖啡，或者指定特色饮品。当日嘅特饮系蓝橘菠萝梳打，酸酸甜甜，
又有啲蓝色，卖相唔错，味道都OK。
孕妈妈饮热朱古力（需另加$8），有好精致嘅拉花，唔饮得都睇得啦。
埋单唔洗加一，只需$188，几抵食㖞，虽然订台方面有少少美中不足，但临场安排同食物质素都加返唔少分。
张贴
