夢の丼 (已結業)

今日要去西环果边做野，所以顺便约朋友系果附近食饭，我地一拣就拣咗呢间日式餐厅试下，室内布置充满木系格调，而厨房附近有一个吧枱，可以睇到厨师喺到处理食材。大满足配寿喜烧汁 $198SHABU-SHABU大满足有好多丰富海鲜同牛肉食材，包括有三文鱼2切、青口2只、虎虾1只、连壳帆立贝1只、广岛蚝2只、美国肥牛片4片、美国一口牛2粒，我地想试海鲜同肥牛既SHABU-SHABU，所以就拣咗大满足。海鲜材料比较丰富，而且非常新鲜，特别系帆立贝同广岛蚝，如果想食海鲜既话，我建议下次可以配昆布鲣鱼清汤/鲷鱼汤底，更能够带出海鲜既味道。日本蚝 $76经理话佢地既日本蚝系由日本新鲜直送，食落果阵保留返原有既海水味，而且蚝好大只，啖啖肉。鲍鱼刺身(2只）$116煮熟过既鲍鱼刺身仍然保留弹牙口感，食到鲍鱼原有味道。牛舌 $48白鳝 $58牛舌同白鳝烧得啱啱好，牛舌唔太韧，白鳝烧到脆卜卜。南瓜蕃薯天妇罗 $68天妇罗炸得唔油腻，好干身，但食落又唔会太热气。