影片
更多
2016-11-22
183 浏览
自从大学毕业后，就好耐无去过红磡同黄埔！适逢黄埔线最近通车，就拉埋阿妈行吓街食吓野！聚宝坊以前都无咁多食肆，而家成行变成食街，而呢家饺饺饺子店就系其中一员，望落又几有日本特色，系行行吓街补充吓体力嘅轻食店！一打开餐牌就被呢个shake shake 饺子所吸引，食法够玩味，同shake shake薯条一样，加啲味粉上饺子度，变咗一种新食法。今次拣咗香港限定味道 - 粟米浓汤味，闻落去好似粟米忌廉汤，系日式唔系西式果款香味，然后倒晒落去装咗饺子嘅纸包度shake 几下，啲粉就好似一层干爽嘅薄粉沾满饺子上。饺子本身系经过油炸嘅，表皮脆口，个饺边就硬咗少少。本身食饺子嘅味道都系食完饺子皮开始，而家反而系先食咗粟米味，再食返本身饺子嘅味道，多咗一个层次。饺子馅料无乜特别，似喺超市买到嘅饺子味。除咗炸饺子，仲有啲特色蒸饺可以一试，皮够薄够软身，而且馅料亦算多。4种盛合饺子包括海老饺子，蘑菇饺子，京都九条葱饺子同埋淡路土产洋葱饺子。味道较为印象深刻嘅系海老饺子，入面嘅虾肉大大粒，咬落好有弹性，而且有汁带少少油分，所以食落去好滑。喜欢嘅话，食呢款海老饺子嘅时候可以加啲紫菜海盐上去吊味提鲜；枱上都有几款
一打开餐牌就被呢个shake shake 饺子所吸引，食法够玩味，同shake shake薯条一样，加啲味粉上饺子度，变咗一种新食法。今次拣咗香港限定味道 - 粟米浓汤味，闻落去好似粟米忌廉汤，系日式唔系西式果款香味，然后倒晒落去装咗饺子嘅纸包度shake 几下，啲粉就好似一层干爽嘅薄粉沾满饺子上。
饺子本身系经过油炸嘅，表皮脆口，个饺边就硬咗少少。本身食饺子嘅味道都系食完饺子皮开始，而家反而系先食咗粟米味，再食返本身饺子嘅味道，多咗一个层次。饺子馅料无乜特别，似喺超市买到嘅饺子味。
除咗炸饺子，仲有啲特色蒸饺可以一试，皮够薄够软身，而且馅料亦算多。4种盛合饺子包括海老饺子，蘑菇饺子，京都九条葱饺子同埋淡路土产洋葱饺子。
味道较为印象深刻嘅系海老饺子，入面嘅虾肉大大粒，咬落好有弹性，而且有汁带少少油分，所以食落去好滑。喜欢嘅话，食呢款海老饺子嘅时候可以加啲紫菜海盐上去吊味提鲜；
枱上都有几款调味料提供，听店员话系同日本提供嘅一样，包括味噌酱汁、辣味味噌同饺子酱汁。味噌味道较为少食，不过好嘅饺子根本无需要沾汁。
其次九条葱味道较浓，本身喜欢食浓味，葱味够出，而且葱做馅料较少见，不错！
要推介嘅系蟹肉海老特长饺子，长饺子真系未听过又未食过，好似酒楼嘅长春卷咁绝对唔系分享，因为蟹肉唔系蟹柳味，海老都真系多，要一个人一次过食晒两款海鲜先够爽。
店内仲有鳗鱼饭同乌冬食，唔够饱可以叫黎食填吓肚。
张贴
