影片
更多
2016-11-22
183 浏览
自從大學畢業後，就好耐無去過紅磡同黃埔！適逢黃埔線最近通車，就拉埋阿媽行吓街食吓野！聚寶坊以前都無咁多食肆，而家成行變成食街，而呢家餃餃餃子店就係其中一員，望落又幾有日本特色，係行行吓街補充吓體力嘅輕食店！一打開餐牌就被呢個shake shake 餃子所吸引，食法夠玩味，同shake shake薯條一樣，加啲味粉上餃子度，變咗一種新食法。今次揀咗香港限定味道 - 粟米濃湯味，聞落去好似粟米忌廉湯，係日式唔係西式果款香味，然後倒晒落去裝咗餃子嘅紙包度shake 幾下，啲粉就好似一層乾爽嘅薄粉沾滿餃子上。餃子本身係經過油炸嘅，表皮脆口，個餃邊就硬咗少少。本身食餃子嘅味道都係食完餃子皮開始，而家反而係先食咗粟米味，再食返本身餃子嘅味道，多咗一個層次。餃子餡料無乜特別，似喺超市買到嘅餃子味。除咗炸餃子，仲有啲特色蒸餃可以一試，皮夠薄夠軟身，而且餡料亦算多。4種盛合餃子包括海老餃子，蘑菇餃子，京都九條葱餃子同埋淡路土產洋蔥餃子。味道較為印象深刻嘅係海老餃子，入面嘅蝦肉大大粒，咬落好有彈性，而且有汁帶少少油分，所以食落去好滑。喜歡嘅話，食呢款海老餃子嘅時候可以加啲紫菜海鹽上去吊味提鮮；枱上都有幾款
一打開餐牌就被呢個shake shake 餃子所吸引，食法夠玩味，同shake shake薯條一樣，加啲味粉上餃子度，變咗一種新食法。今次揀咗香港限定味道 - 粟米濃湯味，聞落去好似粟米忌廉湯，係日式唔係西式果款香味，然後倒晒落去裝咗餃子嘅紙包度shake 幾下，啲粉就好似一層乾爽嘅薄粉沾滿餃子上。
餃子本身係經過油炸嘅，表皮脆口，個餃邊就硬咗少少。本身食餃子嘅味道都係食完餃子皮開始，而家反而係先食咗粟米味，再食返本身餃子嘅味道，多咗一個層次。餃子餡料無乜特別，似喺超市買到嘅餃子味。
除咗炸餃子，仲有啲特色蒸餃可以一試，皮夠薄夠軟身，而且餡料亦算多。4種盛合餃子包括海老餃子，蘑菇餃子，京都九條葱餃子同埋淡路土產洋蔥餃子。
味道較為印象深刻嘅係海老餃子，入面嘅蝦肉大大粒，咬落好有彈性，而且有汁帶少少油分，所以食落去好滑。喜歡嘅話，食呢款海老餃子嘅時候可以加啲紫菜海鹽上去吊味提鮮；
枱上都有幾款調味料提供，聽店員話係同日本提供嘅一樣，包括味噌醬汁、辣味味噌同餃子醬汁。味噌味道較為少食，不過好嘅餃子根本無需要沾汁。
其次九條葱味道較濃，本身喜歡食濃味，葱味夠出，而且葱做餡料較少見，不錯！
要推介嘅係蟹肉海老特長餃子，長餃子真係未聽過又未食過，好似酒樓嘅長春卷咁絕對唔係分享，因為蟹肉唔係蟹柳味，海老都真係多，要一個人一次過食晒兩款海鮮先夠爽。
店內仲有鰻魚飯同烏冬食，唔夠飽可以叫黎食填吓肚。
张贴
