餃子屋

营业中

休息中

又去左呢個商場搵野食，之前都經過呢間餃子店但無食過，次次都坐滿人，今日經過突然想食，所以就試下，等左一陣就有位，不過d位就有d迫都幾多選擇，今次揀左一個煎餃一個湯餃煎既揀左雲耳椰菜豬肉餃，好！大！隻！咬落去好足料，煎得好香，有雲耳同椰菜感覺無咁膩，$42蚊8隻好抵食！呢個係跟煎餃黎既湯，魚膠淮山煲豬骨湯，好香魚味，都幾好飲另一個揀左咖哩薯仔豬肉餃，因為唔知d餃咁大隻所以仲加左淮山麵呢個幾特別，個咖哩似印度果種咖哩味，有少少辣，味道都幾濃，再加埋個淮山麵，真係好飽飲品選擇唔多，點左一枝黑豆漿，順帶一提，隨餃子送既菜脯幾惹味下次再試下其他餃先