影片
更多
2018-10-13
612 浏览
不时都会嚟荃湾食饭，尤其晌荃湾广场、荃新天地一带，因为小弟家住美孚，又近西铁，一个站5分钟唔使就过到嚟荃湾西站，极之方便。今晚就同朋友嚟到大坝街头嘅「Cossi」用餐，贪其位置方便，近排又风评不俗，甚有潜力嘅食店。「Cossi」虽属酒吧餐厅，但一啲都唔杂，嚟食饭嘅反而有少量家庭客。餐厅门面细细，其实内在环境狭长而深，下层近门口嘅喺用餐区，超高楼底及富情调气氛喺卖点；入少少就设有酒吧区，嚟轻酌吓就啱晒。而上层小阁楼就喺另一个用餐区，感觉无下层咁正，但就静局啲，店员更话呢度有包场服务，细细哋包个上层都唔错。讲开服务，真喺值得一赞，店员知我哋啲主菜喺「些牙」嚟食，就问我哋想分开上定一齐上，家下好多餐厅都「求求其其」，有乜上乜无晒次序；此外，小弟意外打翻个酱油碟落地，呢啲情况，遇到店员黑面不时都有，但同一位店员除咗叫话等佢处理之外，仲反问我有无整污糟啲衫裤，所以，服务一环又点可以唔俾满分吖。打开餐牌，内页第一版就有介绍店家名字「Cossi」嘅由来，原来喺源自意大利文，愚意追求惬意、梦想嘅生活态度，亦期望客人可以感受到生活中嘅情趣。再继续翻开餐牌，食物嘅选择颇多，有前菜小食、特色头盘、自家制安格
「Cossi」虽属酒吧餐厅，但一啲都唔杂，嚟食饭嘅反而有少量家庭客。餐厅门面细细，其实内在环境狭长而深，下层近门口嘅喺用餐区，超高楼底及富情调气氛喺卖点；入少少就设有酒吧区，嚟轻酌吓就啱晒。
而上层小阁楼就喺另一个用餐区，感觉无下层咁正，但就静局啲，店员更话呢度有包场服务，细细哋包个上层都唔错。讲开服务，真喺值得一赞，店员知我哋啲主菜喺「些牙」嚟食，就问我哋想分开上定一齐上，家下好多餐厅都「求求其其」，有乜上乜无晒次序；此外，小弟意外打翻个酱油碟落地，呢啲情况，遇到店员黑面不时都有，但同一位店员除咗叫话等佢处理之外，仲反问我有无整污糟啲衫裤，所以，服务一环又点可以唔俾满分吖。
打开餐牌，内页第一版就有介绍店家名字「Cossi」嘅由来，原来喺源自意大利文，愚意追求惬意、梦想嘅生活态度，亦期望客人可以感受到生活中嘅情趣。
再继续翻开餐牌，食物嘅选择颇多，有前菜小食、特色头盘、自家制安格斯汉堡、意大利松露系列、意大利面、意大利饭、多国不同菜系嘅主菜、甜品……等等，一应俱全。
但凡点主食类，如汉堡、松露系列、意大利面、意大利饭、主菜等，都可以加$38变成套餐，即喺多咗沙律、餐汤及基本餐饮。此外，更可加$20由是日餐汤升级为蘑菇汤或龙虾汤，餐饮同样可以加$20/$35转为鸡尾酒。
而最后几页，就喺一系列饮品，果汁、汽水、啡茶就基本架啦，既为酒吧，酒类饮品又点少得，啤酒、红白餐酒、鸡尾酒、无酒精鸡尾酒同样有供应。
虾多士突然间，送上一小客虾多士，原来逢星期一至四（假期除外），惠顾晚市都会送厨师精美小食一份，是晚就喺香脆嘅虾多士。面层喺用上自家打嘅虾胶，感觉唔及用上一只原虾咁有睇头，但味道唔错，咬落亦爽口。
最后，我哋拣咗一客意大利饭及一客主菜，同样加$38转为套餐。见就算转埋汤都唔算贵，索性加$20转埋特色餐汤，欣赏佢哋喺一次过成套沙律、餐汤、面包送上枱。
面包（跟餐）最别致喺以一只小竹木伐载住啲意大利香草包，更伴上自家调配嘅面包酱，咸香软滑，但个人就觉得面包稍为焗得干咗少少。
沙律（跟餐）简简单单嘅田园沙律淋上油醋，虽然无特别添加其他配料，但啲沙律菜入口新鲜爽脆，当然，如能加啲烤车厘茄或意大利蕃茄干，就变得锦上添花啦！
黑松露蘑菇汤（跟餐）+$20
睇个名就知有几坚啦，而确实，个汤睇表面已见有好多细微嘅蘑菌粒，未饮都闻到阵阵松露香，饮落菌味果然浓郁，质感柔滑。同埋，几钟意装汤嘅小砵，好有一种天然感。
黑松露蘑菇汤
9 浏览
0 赞好
0 留言
橙红色嘅色泽，睇落就好对办，先试一口，虽然未喺一入口就哗哗声，但啲虾味颇为突出，口感同样幼滑细腻，而且，汤内更混有少少虾肉，绝无欺场。
龙虾汤
10 浏览
0 赞好
0 留言
咦，点解无烤南瓜嘅？捞匀成碟，饭底下有好多海鲜料，有大虾、青口、鱿鱼圈，正所谓宝物沉归底，而且，啲海鲜不俗，食得出有鲜甜味，喺新鲜货而唔喺雪藏嘢；佢哋嘅意大利饭喺汁酱做得浓稠啲，饭粒湿润且有咬口，饭心带烟韧嘅口感，呢个时候，就知所谓「烤南瓜」晌边，原来汁底喺南瓜汁，清甜而浓郁，与其喺咁，不如改为烤南瓜「汁」就仲贴切啦！
烤南瓜、海鲜、芝士意大利饭
$128
9 浏览
0 赞好
0 留言
炭烤美国牛肩扒 $148西冷、肉眼就食得多，牛肩扒就比较陌生啲，所以，多款扒类中就拣佢，试试喺点样。卖相比较平实，而牛肩扒清楚睇到炭烧嘅烙纹，再配点薯蓉及鸡脾菇作伴菜。啲牛肩扒我哋要咗5成熟，落刀已感到肉质好腍，色泽带嫩红色，却无半点血水，入口嫩滑，肉味浓且富肉汁，且有炭火嘅焦香，觉得喺一件几有质素嘅牛扒。
炭烤美国牛肩扒
$148
8 浏览
0 赞好
0 留言
咖啡、奶茶（跟餐）餐后饮杯咖啡宁舍轻松、舒畅，再者，我哋另外加点一客甜点共享，所以，又点可以无杯咖啡嚟衬一衬。而小弟杯咖啡几醇香，最窝心喺啲牛奶加热过，可见细节位无「马马虎虎」随便交货。
焗玉桂菠萝金宝配雪糕 $52
玉桂苹果金宝食唔少，但玉桂菠萝金宝就觉得会有惊喜，况且，菠萝一向喺我心水水果之一，所以，就更想睇吓做成金宝会喺点。卖相同一般金宝无乜两样，都喺焗得金黄，口感香脆。插到底小试一羹，菠萝果肉好清甜，里面更加有提子干，又够玉桂香，伴上云呢嗱雪糕，一热一冻，食得过瘾。
焗玉桂菠萝金宝配雪糕
5 浏览
0 赞好
0 留言
虽然，睇落好似只不过一间酒吧餐厅，但食得出师傅做菜有诚意，而且，环境又唔错，服务又好，加上菜式嘅选择配套多，较具弹性，碓能够让客人惬意用餐！
张贴
