影片
更多
2014-03-14
519 浏览
The Sky Bar晌朗豪坊扎根都有成6个年头，卒之冲过海，啱啱晌二月初进注利舞台广场。可能你对The Sky Bar唔多熟，不过Mr. Steak应该略知其详，佢就喺Mr. Steak Concept旗下餐厅之一，虽然名字为酒吧，但实为酒吧餐厅，餐饮方面走中高档路线，务求令客人可以轻松畅饮之余，都可以品尝到精致美味嘅食物 。今晚，就有幸跟住食友同来试菜，见识一下其高档次嘅美食。门口以黑色云石衬红砖墙，放置巨型啤酒桶及画满色彩缤纷海鲜公仔嘅黑板做装饰，而再内进，一室柔和灯光，同样黑墙衬砖红，配上木地板，型格得嚟有活力。加上楼底高，环境阔落，空间感十足。120吋巨型高清萤幕直播唔同体育赛事，作为时下嘅酒吧，当然唔少得啦，迟啲612巴西世界杯开锣，定必更墟撼热闹呀 ！我哋被安排到VIP房用餐，自成一角，自然私隐度更高 。VIP房内设有大电视，飞镖机，迟啲仲会加插一啲game box俾客人使用。除高脚酒吧枱櫈，且有可供10人用餐嘅长木枱，不过，最吸晴喺内墙以多枚「邮票」作装饰黐成，份外有风格。顺带一提，包房最低消费额为HK$4,000，够人多包个房可以玩得更尽兴。细心留意其餐厅名字之
门口以黑色云石衬红砖墙，放置巨型啤酒桶及画满色彩缤纷海鲜公仔嘅黑板做装饰，而再内进，一室柔和灯光，同样黑墙衬砖红，配上木地板，型格得嚟有活力。加上楼底高，环境阔落，空间感十足。120吋巨型高清萤幕直播唔同体育赛事，作为时下嘅酒吧，当然唔少得啦，迟啲612巴西世界杯开锣，定必更墟撼热闹呀 ！
我哋被安排到VIP房用餐，自成一角，自然私隐度更高 。VIP房内设有大电视，飞镖机，迟啲仲会加插一啲game box俾客人使用。除高脚酒吧枱櫈，且有可供10人用餐嘅长木枱，不过，最吸晴喺内墙以多枚「邮票」作装饰黐成，份外有风格。顺带一提，包房最低消费额为HK$4,000，够人多包个房可以玩得更尽兴。
细心留意其餐厅名字之下，会发现有几个细字：seafood．oyester．dessert，顾名思义就知佢主打依几款食物；再者，既然喺Mr. Steak分支，扒类菜式又点少得。餐牌虽然只喺一张A3纸咁大，但已有齐生蚝、汤类、前菜、沙律、海鲜、意粉、主菜、甜品。
Apple Squash $52由于试菜当晚酒牌仍在申请中，所以，餐厅未有酒精类饮品提供，但喺，都不愁无选择，因为仍有多款特饮，此外，仲有果汁、啡茶…等等。今晚想饮得简单少少，就点了一杯苹果杂饮，带苹果味嘅梳打，冰凉清爽。
精选冻海鲜盘 $228 (The Sky Bar Cold Seafood Platter)
餐牌上有两款海鲜拼盘：精选冻海鲜盘（$228）及精选热海鲜盘（$288），两者嘅海鲜种类都有所分别，当然，怕生冷，怕肠胃唔受得，选后者喺上策啦。今晚店方为我哋安排好前者「精选冻海鲜盘」，都会选用拣手海鲜，所以，可能跟餐牌有少少出入。
一份冻海鲜盘包括：加拿大香槟蟹脚、美国青口、本地鲜虾、加拿大翡翠螺、苏格兰生蚝、美国车厘石蚬，伴以柠角及两款酱汁：红酒醋汁、鸡尾酒酱。6款都试匀晒，等小弟粗略点评，蟹脚几鲜甜，带微微海水咸味；青口则有啲粉嘅口感，麻麻哋；鲜虾虽然喺本地货，够晒爽甜就得啦；翡翠螺又大只，肉质又爽脆；生蚝属于窄身肉薄，但汁多鲜甜，口感带少少爽脆；车厘石蚬原来又喺好爽口，不过，就颇咸，要加多少少柠汁同鸡尾酒酱平衡吓会易入口啲。吃罢，真喺满口「海洋」滋味 ！
西班牙餐前小吃 $128 (Tapas)
近来Tapas（西班牙餐前小吃）晌各类餐厅大热，虽然晌餐牌上揾唔到Tapas一项，但店方都将会紧随依股热潮推出，是晚，就有幸率先品尝。6款小食，前排左至右：路易斯蟹肉沙律、煎鸭肝伴苹果酱、烟三文鱼黑松露卷，而后排左至右：希腊羊肉饼伴薄荷乳酪、凯撒虾、脆炸石蚝伴他他酱，不但卖相小巧精致，而且制作认真，配搭花心思，最难得定价亲民。每款都以烘脆嘅法包垫底，方便食用 。
小弟试咗其中两款：路易斯蟹肉沙律及脆炸石蚝伴他他酱，前者以蟹肉、洋葱、青瓜粒、蛋黄酱所做嘅沙律，酸爽怡人，好味嘅开胃小食；后者，石蚝蘸面包糠炸后，外脆内软，跟他他酱，可清清油腻感。虽然未有机会品尝其他，但听食友分享，味道唔错，称心满意 。
法国干邑海鲜浓汤 $168（2位用） (Armagnac Shellfish Bisque with Fresh Seafood)
接著上场喺鲜味浓郁嘅海鲜浓汤，由于试菜关系，相中实为6人份量。睇睇汤面嘅材料，有青口、皇帝虾、大蚬、鱿鱼，用料十足，绝不欺场，最得欢心喺皇帝虾及大蚬，爽口鲜甜；再呷一啖浓汤，浓郁虾味涌入喉咙 ，据经理介绍原来浓汤用上龙虾头、虾头、贝壳海产嚟熬制，又加入适量法国干邑提升海鲜鲜味。此外，将面包粒沾点浓汤先食，平凡都变得不平凡 ！
烤龙虾、蟹肉青酱忌廉意大利扁面 $188 (Atlantic Lobster Tail Linguine with Crabmeat in Pesto Cream)
卖相真喺几引死人，大大件橙红色龙虾尾就放晌意大利扁面正中间，虾肉爽弹味鲜；而意大利扁面咬落烟韧而有咬口，煮得恰到好处，配以蟹肉及青酱忌廉（Pesto Cream，蒜蓉、罗勒、松子仁、橄榄油、巴马臣芝士所做成嘅酱），丰厚香浓，其实再加多少少青酱都仲可以。
煎阿拉斯加鳕鱼柳、海带子配皇帝虾伴蕃红花忌廉汁 $188 (Seared Alaskan Cod Fillet, Sea Scallop & King Prawn with Saffron Cream Sauce)
另一款海鲜菜式，香煎阿拉斯加鳕鱼柳，厚厚嘅鳕鱼柳十分有睇头，煎得皮脆肉滑，油脂不俗；带子肉厚弹牙，同样煎得甘香；而皇帝虾开边烧，食用方便，肉质富弹性，几款海鲜就算唔蘸酱汁，一样食得滋味。此外，丰富嘅配菜（串烧茄子、蕃茄、翠玉瓜及烤薯），亦喺不容错过嘅「绿叶」 。
鸭巴甸400日谷饲西冷牛扒(10oz.) $298 (Aged Grain Fed 400 days Aberdeen Prime Sirloin Steak (10oz.) with Herbs Butter)
有大集团背后支援，当然来货价会相宜，因为较一般牛饲养时间较长，相对肉味亦较浓，配合师傅手势，外层焦香，内里粉嫩，再涂抹一点香草牛油，浓香兼备。不过，虽然都喺西冷部份，未知喺咪位置问题，有少少位带筋，影响咗口感。
美国「Creekstone Farm」优级肉眼扒(10oz.) $248 （「Creekstone Farm」Oremium Rib Eye Steak (10oz.) with Herbs Butter）
上网打「Creekstone Farm」你就知佢有几大来头，专门培育安格斯牛，被评为优级品种，可见地位举足轻重。确实，肉眼入口腍滑，富肉汁，油脂分布平均，食起嚟满口油香肉香，实在好味 。两款牛扒，个人更喜欢依个优级肉眼扒。
单单「斋」食，啲牛扒已经非常好，再跟个人口味配以唔同调味，可谓相得益彰。所以，店方窝心提供英国及法国芥辣，仲有即磨西西里海盐及黑胡椒粒。
法式焗苹果脆酥伴香兰子雪糕 $88 (Baked Puff Pastry Apple Dumpling with Vanilla Ice-cream)
食完主菜之后，在座各位都话饱到上心口，不过，一到甜品时间，女士们即时发挥佢哋第二个胃嘅本色。法式焗苹果脆酥，原来喺酥皮内有原个去核苹果，再洒上糖霜做装饰，切开焗苹果散发幽幽清香，酥皮薄脆松化，苹果入口清甜，甚有滋养嘅感觉 ；最得意四周伴有白酒啫喱粒，冰凉清爽 。温馨提示，因为烔制需时，如打算点选此甜品，请预留20分钟。
法国忌廉焗鲜芒果班戟 $68 (Grain Fresh Mango Pancake)
第二道甜品亦做得出色，咪睇大大份，其实个碟好浅，薄薄几片软柔嘅班戟皮，覆盖住新鲜芒果肉，加以法国忌廉再烤焗而成，卖相吸引。由于班戟皮吸满忌廉，口感滑溜又有蛋香 ，如果啲芒果再熟啲，又够甜嘅话，个焗班戟就一流嘞。除芒果外，依个焗班戟亦可以拣香蕉！
享受甜品又点可以唔配番杯热茶或咖啡呢？食友齐齐拣嚟伯爵荼（$36 / 壶），小弟都喺钟情鲜奶咖啡（$36），不过，有别咖啡专门店，咖啡虽然醇香，但略嫌奶泡未够丰厚，咖啡稍欠幼滑。
现在午市做紧半自助午餐，星期一至日都有（12:00pm-2:30pm），包括自助沙律吧、厨师精选餐汤、自选主菜（$88-$188）、精选甜品及啡茶 ，经理仲话正推广紧4人同行1免费优惠 ，真喺不容错过。
服务方面亦很到位，适时嘅换碟，上菜嘅详细介绍，都喺感受到用心嘅一部份。引用食友一句话：好环境、好食物、好食友，一切都美好，一顿佳美嘅饭局，一切都嚟得美好、愉快 。
张贴
