影片
更多
2016-07-28
5050 浏览
好姐妹转新工有一段时间，没都无好好同佢庆祝一下。呢晚我哋就去咗位于旺角弥敦道726号嘅大厦，前排已经食过其中一层嘅韩国菜，发现差唔多全栋都系食肆，呢次就试吓最顶层二十五楼嘅Sky726。 lift门一打开，落地玻璃闹市景已尽入眼帘，餐厅中间位置系酒吧，座位就分布晌旁边唔同位置，感觉就似围住一个小型舞台咁。由另一个角度睇，入口附近有个用绳结编织而成嘅巴黎铁塔，如果再企正中啲，就会出现画晌lift门𠮶对翅膀晌铁塔间伸出嚟嘅错觉，似乎有啲特别意思。 连后楼梯同男女厕门上都画咗唔同嘅画作，几有型格。 餐厅最尾系厨房，可透过半身玻璃窗一睹厨师工作𠮶阵嘅风采。 最吸引人嘅地方系呢列落地玻璃，自问经常去旺角，却系首次居高临下咁欣赏佢嘅景色。𠮶日仲系日落时分，景致醉人浪漫，都几适合情侣。 睇过靓景，系时候将焦点放返晌餐牌上。佢哋细分咗几个类别，包括沙律、前菜、汤、配菜、主菜同甜品，亦提供数款由三百多到四百嘅set dinner，另有平板电脑俾人拣cocktail类饮品。 侍应先安排咗餐包俾我哋，面包经烘暖质感松软，可以配橄榄油同黑醋汁一齐食。 Very Berry，餐牌写系用士多啤梨、蓝莓、红桑子、鲜
好姐妹转新工有一段时间，没都无好好同佢庆祝一下。呢晚我哋就去咗位于旺角弥敦道726号嘅大厦，前排已经食过其中一层嘅韩国菜，发现差唔多全栋都系食肆，呢次就试吓最顶层二十五楼嘅Sky726。
lift门一打开，落地玻璃闹市景已尽入眼帘，餐厅中间位置系酒吧，座位就分布晌旁边唔同位置，感觉就似围住一个小型舞台咁。
由另一个角度睇，入口附近有个用绳结编织而成嘅巴黎铁塔，如果再企正中啲，就会出现画晌lift门𠮶对翅膀晌铁塔间伸出嚟嘅错觉，似乎有啲特别意思。
连后楼梯同男女厕门上都画咗唔同嘅画作，几有型格。
餐厅最尾系厨房，可透过半身玻璃窗一睹厨师工作𠮶阵嘅风采。
最吸引人嘅地方系呢列落地玻璃，自问经常去旺角，却系首次居高临下咁欣赏佢嘅景色。
𠮶日仲系日落时分，景致醉人浪漫，都几适合情侣。
睇过靓景，系时候将焦点放返晌餐牌上。
佢哋细分咗几个类别，包括沙律、前菜、汤、配菜、主菜同甜品，亦提供数款由三百多到四百嘅set dinner，另有平板电脑俾人拣cocktail类饮品。
侍应先安排咗餐包俾我哋，面包经烘暖质感松软，可以配橄榄油同黑醋汁一齐食。
Very Berry
$70
41 浏览
0 赞好
0 留言
Mojito，呢个系用鲜青柠、薄荷叶、Bacardi Carta Blanca、Angostura Bitters、梳打水同糖浆调配。青柠同薄荷叶味道突出，然后系带啲苦涩但讨好嘅酒香，对于唔太识饮酒嘅人嚟讲系入门级选择。
烟三文鱼沙律，切成薄片嘅青瓜围住外边，中间分别放咗烟三文鱼、红洋葱、车厘茄、酸豆同杂菜。从呢个角度睇烟三文鱼仲有啲似朵玫瑰花，蔬菜鲜嫩爽口，配上厨师自家制酱汁，食落清新。
烧番茄大茴香鸡丝浓汤，中间放咗啲鸡丝，汤内系满满嘅番茄蓉，对我嚟讲几啱胃口。
香煎鹅肝伴青豆蓉焦糖洋葱，呢道菜嘅摆盘非常靓。鹅肝洒有蔬菜等等，底层垫有用焦糖炒过嘅洋葱，入口即溶而带焦香，碟上仲有creamy嘅青豆蓉同埋酸酸哋、甜甜哋嘅酱汁，蘸少少一齐食可以将鹅肝嘅腻感中和。
煎慢煮烟熏羊冧
$268
38 浏览
0 赞好
0 留言
扒波托贝洛蘑菇杂菜配香草意大利粉
$158
33 浏览
0 赞好
0 留言
焦糖烩啤梨，平时成日食红酒烩嘅，用焦糖烩就系第一次试。啤梨入味香甜，同酸劲十足嘅红桑子、脆口嘅杏仁片同混入呍呢嗱籽嘅雪糕一齐食，甜度平衡。因为我自己偏好酸味食物，所以较喜欢平时嘅红酒烩啤梨多啲啲。呢度无论系环境、食物卖相都好靓，可以晌每道菜中睇得出厨师嘅心思，服务上亦可以讲系一丝不苟。
张贴
