影片
更多
2020-12-21
138 浏览
朋友K先生系越南通，今年冇得去旅行，呢位朋友则不断咁话我知胡志明市同蚬港究竟有几好玩。 K先生系爱酒之人，佢亦都分享左唔少越南饮酒嘅经验，特别其中一次，佢话系酒吧饮酒的时候，外卖越南火锅去酒吧食嘅经典事件。 东南亚嘅火锅，我净系记得喺清莱试过，反而，我真系未试过食越南火锅，香港越南菜多的是，可惜却好似从来未见过有火锅，大概香港人最叻都系净系食越南牛肉河。 于是，从我得知铜锣湾开咗一间新嘅越南菜SO tam，仲提供很少见的越南火锅，就已经bookmark 左，于是约几个朋友一齐去食。 位于Times Square附近，地点超级方便。当晚人数够多先食得多野，不过疫情关系都分左两枱坐。 坐低先要杯越南滴漏咖啡，提下神。 越南菜嘅前菜点少得牙车快，香港其实唔系好流行食呢个以鸡丝、海蜇同生菜丝所做嘅开胃前菜，我觉得几特别，至少为今餐开下个胃。 不过我自己较钟意青木瓜鲜虾沙律，净系食爽口又新鲜嘅虾肉加甜美嘅青木瓜已经值回票价。 细细个最钟意食嘅系越南粉包，到我咁大个都依然咁钟意食呢样小吃，呢度叫做手拉粉卷，感觉够好够美味，热辣辣食感觉特别好。 呢度嘅越
K先生系爱酒之人，佢亦都分享左唔少越南饮酒嘅经验，特别其中一次，佢话系酒吧饮酒的时候，外卖越南火锅去酒吧食嘅经典事件。 东南亚嘅火锅，我净系记得喺清莱试过，反而，我真系未试过食越南火锅，香港越南菜多的是，可惜却好似从来未见过有火锅，大概香港人最叻都系净系食越南牛肉河。 于是，从我得知铜锣湾开咗一间新嘅越南菜SO tam，仲提供很少见的越南火锅，就已经bookmark 左，于是约几个朋友一齐去食。
位于Times Square附近，地点超级方便。当晚人数够多先食得多野，不过疫情关系都分左两枱坐。
坐低先要杯越南滴漏咖啡，提下神。
越南菜嘅前菜点少得牙车快，香港其实唔系好流行食呢个以鸡丝、海蜇同生菜丝所做嘅开胃前菜，我觉得几特别，至少为今餐开下个胃。
不过我自己较钟意青木瓜鲜虾沙律，净系食爽口又新鲜嘅虾肉加甜美嘅青木瓜已经值回票价。
细细个最钟意食嘅系越南粉包，到我咁大个都依然咁钟意食呢样小吃，呢度叫做手拉粉卷，感觉够好够美味，热辣辣食感觉特别好。
呢度嘅越南炸春卷真系做得好吸引，剩系吃表面个脆皮已经够正，一个字，得。
通常食印尼嘢先至会食串烧，呢度竟然都提供串烧拼盘，猪肉，鸡肉同牛柳各点了两串，我最钟意食嘅必定系鸡肉。
特别系佢嘅酱汁唔可以错过，市场上少有用鱼露为主角的酱汁，增添了不少越南风味。
牛油椒盐软壳蟹，食完满口牛油香，蟹肉又大件，绝对系必点嘅菜式之一。
猪颈肉法包，令我想起渡船角。
讲开牛油，佢嘅蒜蓉牛油鸡翼又系好正，一个人一只绝对唔够喉。
食咗咁多煎炸野就好想试吓佢嘅西贡啤酒，呢度仲要提供两个版本，我选择左低卡路里版，饮都饮得健康啲。
咖喱杂菜煲配面包，让你清清肠胃，个咖哩都不错，不算太辣够香口。
越式豪华火锅，选咗蟹汤，有菜有鱼有鱿鱼有牛肉，仲可以加唔同嘅配料，个蟹汤非常之鲜甜，而且咁大个火锅都只系$248，如果可以加越式河粉应该更加完美。
呢个非常传统嘅越式锅底，令我谂起如果身处喺胡志明嘅酒吧，究竟可以点样系酒吧外卖火锅呢？系唔系叫紧六个六嘅时候，突然间就夹旧肥牛黎食？
我想只有K先生才知道了。
到底几时先有得飞越南？我想不要谂了，不如嚟呢度食火锅更加实际。
SO TAM
铜锣湾罗素街8号英皇钟表珠宝中心2楼
张贴
