影片
更多
2016-10-13
1243 浏览
响Sogo大马路正正对面，有一幢商厦叫英光大厦，呢度经营左唔少私房食肆，其中一间「卖飞佛」，系法国餐厅Le Marron。Le Marron只招待会员，不过唔驶担心，只要walk in入去留个名同电话，就可以即时成为会员，费用全免。餐厅装修充满法国18世纪风情，无论墙纸、壁画、饰品、座位等等，都非常复古。Homemade Bread ($0)刚坐低，餐厅就送上面包篮，款式都唔少，有牛角包、麦包、香草包同面包条，全部经过烘焗，又热又脆。Cocktail Prawn with Strawberry & Capsicum Gazpacho ($175)先黎个头盘，士多啤梨辣椒西班牙凉菜汤，估唔到咁甜美，有新鲜士多啤梨同蓝莓垫底，鲜虾爽口，开胃醒神。Smoked Eel & Caviar with Waffles ($108)从来无响法国菜食过鳝片，仲要配waffle，真新奇！鳝片新鲜爽脆，味淡，加埋带醎香既鱼子食，味道刚好。Waffle带有淡淡既甜味同蛋香，几有惊喜。Mushroom Soup & Cream of Watercress Soup ($75)蘑菇汤真材实料，充满打碎左既蘑菇粒
Le Marron只招待会员，不过唔驶担心，只要walk in入去留个名同电话，就可以即时成为会员，费用全免。
餐厅装修充满法国18世纪风情，无论墙纸、壁画、饰品、座位等等，都非常复古。
Homemade Bread ($0)刚坐低，餐厅就送上面包篮，款式都唔少，有牛角包、麦包、香草包同面包条，全部经过烘焗，又热又脆。
Cocktail Prawn with Strawberry & Capsicum Gazpacho ($175)先黎个头盘，士多啤梨辣椒西班牙凉菜汤，估唔到咁甜美，有新鲜士多啤梨同蓝莓垫底，鲜虾爽口，开胃醒神。
Smoked Eel & Caviar with Waffles ($108)从来无响法国菜食过鳝片，仲要配waffle，真新奇！鳝片新鲜爽脆，味淡，加埋带醎香既鱼子食，味道刚好。Waffle带有淡淡既甜味同蛋香，几有惊喜。
Mushroom Soup & Cream of Watercress Soup ($75)蘑菇汤真材实料，充满打碎左既蘑菇粒，上面系蛋白泡泡同黑松露酱，味道浓郁，大爱；另一个系西洋菜汤，虽然西洋菜有「西洋」两个字，但从来只响中汤饮过，西式西洋菜汤反而系第一次；餐厅将西洋菜搅碎，加忌廉煮成呢个汤，好浓重既西洋菜味，好饮。
Lime Sorbet食到呢度，餐厅送上青柠雪葩清一清味蕾。清新又冰冻，好舒服。
Tiger Prawns Pan-fried with Butter, Garlic & Garden Veggie ($260)全晚最喜欢呢一味。虎虾烧到好香，全部已开边兼去肠，虾肉好鲜甜，可恨只得三只，要争食先得！唔好错过旁边既焗牛油面包，香脆！
Foie Gras Ravioli & Beef Medallions ($360)切开面头既意大利云吞，包住左细细块既鹅肝，甘香浓郁；下面既牛柳五成熟，有丰富牛肉味，肉嫰，美味。
Baked Cinnamon and Apple Crumble with Vanilla Ice-cream ($65)今晚系友人既生日，同餐厅沟通好之后，佢地将apple crumble既碟边装饰到美轮美奂，用朱古力写上朋友既名字，仲用粒士多啤梨插上蜡蠋俾我地吹添，好细心，朋友即刻冧爆！
讲番个apple crumble，有好香既肉桂味，饼碎香脆，苹果甜美，配埋面头既云呢拿雪糕食，perfect!!
Cheese Cake ($75)生日就梗系要食蛋糕啦系咪？所以叫多份芝士蛋糕，唔系纽约芝士蛋糕，所以食落唔会太heavy，两个人share啱啱好，也为今个晚餐画上一个完美句号！
张贴
