祥正飯店

营业中

休息中

今日去左Sogo Thankful血拼，又要排队人又多又逼血拼左一轮之后真系好攰。因为Sogo Thankful基本上Sogo个边啲人多到好难行，出返Sogo见肚饿就决定贡去鹅颈桥个边觅食。行下行下就随便入左一间菜馆里边食饭，点知有惊喜……我地叫左椒盐濑尿虾、卤水拼盆、避风塘炒蟹、蒜蓉粉丝蒸蛏子、啫啫通菜煲、黄金虾。椒盐濑尿虾，虾壳都炸到好透基本上可以连壳食，好香口所以都叫左啤酒加上行完街真系好口渴。卤水拼盆，所有野都卤得好够味但又吾会耐左好，掌握得岩岩好。避风塘炒蟹，蟹钳肉质饱满，沾上炸蒜同食，鲜甜又惹味。蒜蓉粉丝蒸蛏子，都系好香蒜味, 但又唔会抢左海鲜原本阵味，蒸得岩岩好又好爽口。连粉丝都好入味夹葱蒜食一流!! 啫啫通菜煲，好有镬气, 而且好新鲜, 通菜好爽口, 唔多油之余又煮得岩岩好唔会太淋, 好考功夫嫁，味道带点微辣。正!!!黄金虾球，虾球够弹牙而且好鲜味好新鲜，配埋啤酒大满足。环境整洁舒适，侍应跟进速度快，饮饱食醉之后我地走既时候漏低左野，侍应还跑出来交返我地，我觉得佢地好老实。