影片
更多
2023-06-16
63 浏览
中同best friend系外国返咗黎。为咗隆重其事，当然要揾间”有惊喜”既餐厅聚下旧啦😎今次就精心拣咗一间位于中环，非常异国风情浓厚嘅日式料理(酒吧)。我朋友未入餐厅已经比门口嘅挂饰所surprise到 (吓亲😂)，入到餐厅之后更加大叫起黎(详情唔喺呢度剧透，真心推荐大家入去经历下，记得要去厕所🤣) 真系一个好有趣既体验🙈🙈但系玩还玩，佢嘅食物质素亦都非常高水准 (顺带一提佢嘅餐牌都设计得好可爱)首先不得不提 - 酒！ (注:佢系一间酒吧😀)餐厅负责人向我哋推荐左两款cocktailsornstar ($110) - 个名搞鬼🥴造型好睇🍸饮落超正🤤热情果伏特加有好强烈嘅果香味，可以中和返伏特加嘅苦涩味，令到你有即时味蕾上嘅快感同刺激感。钟意味道激烈啲嘅或者口味偏甜嘅人士都会一试就爱上🥰Kabuki Mule ($125) - 外表平凡、内里不凡青柠青瓜琴酒，造型上普通，但一饮真系不得了。系青柠嘅加持下，清新嘅青瓜味充斥着口腔，但系细细品尝下，琴酒既独特香气同埋味道仍然会刺激住你嘅味蕾。呢杯酒简直系同上一杯有着南辕北辙嘅个性🤣。跟住就到日本料理啦🇯🇵烧日本五花腩🥓 ($58)肉质鲜嫩，
为咗隆重其事，当然要揾间”有惊喜”既餐厅聚下旧啦😎
今次就精心拣咗一间位于中环，非常异国风情浓厚嘅日式料理(酒吧)。我朋友未入餐厅已经比门口嘅挂饰所surprise到 (吓亲😂)，入到餐厅之后更加大叫起黎(详情唔喺呢度剧透，真心推荐大家入去经历下，记得要去厕所🤣) 真系一个好有趣既体验🙈🙈
但系玩还玩，佢嘅食物质素亦都非常高水准 (顺带一提佢嘅餐牌都设计得好可爱)
首先不得不提 - 酒！ (注:佢系一间酒吧😀)
餐厅负责人向我哋推荐左两款cocktails:
Pornstar ($110) - 个名搞鬼🥴造型好睇🍸饮落超正🤤
热情果伏特加有好强烈嘅果香味，可以中和返伏特加嘅苦涩味，令到你有即时味蕾上嘅快感同刺激感。钟意味道激烈啲嘅或者口味偏甜嘅人士都会一试就爱上🥰
Kabuki Mule ($125) - 外表平凡、内里不凡
青柠青瓜琴酒，造型上普通，但一饮真系不得了。系青柠嘅加持下，清新嘅青瓜味充斥着口腔，但系细细品尝下，琴酒既独特香气同埋味道仍然会刺激住你嘅味蕾。呢杯酒简直系同上一杯有着南辕北辙嘅个性🤣。
跟住就到日本料理啦🇯🇵
烧日本五花腩🥓 ($58)
肉质鲜嫩，系品质上乘嘅五花腩。而且煎得好香口，咬落去充满肉汁，令人欲罢不能😋
烧鸡翼🐥 ($38)
烧鸡翼我自细钟意食~ 听落好普通嘅一度小食，但系果皮烧到脆卜卜，内里就肉质鲜嫩非常Juicy，真系正呀正呀!
什锦蔬菜天妇罗🥠 ($68)
多种蔬菜包括青椒仔、茄子、秋葵、大葱等等，最欣赏佢炸粉够薄身而且唔油腻，仲可以一次过感受唔同嘅口感，健康美味两者兼备!
带子刺身🫓 ($138)
摆盘非常IGable🤳带子刺身份量好充足而且非常新鲜，配以鱼子同埋微酸嘅汁，充分带出带子嘅鲜甜。而且呢度菜式非常轻盈，最啱同班女仔friend过嚟食啦~
三文鱼寿司🍣 ($48)
睇落系正常三文鱼寿司，但食落口先发现佢三文鱼系长身而且厚切嘅，口感系丰盈而且轻轻咀嚼已经感受到三文鱼嘅鲜甜同埋有弹性，而且鱼油甘香唔肥腻，对喜爱三文鱼既我嚟讲简直性价比超高😍
加州卷🍱 ($98)
正常加州卷嘅做法会放黄瓜同蟹柳，但今次嘅加州卷系高级版，食材当然要高级啲啦😂 餐厅就选择用满满嘅真· 蟹肉代替假· 蟹柳，而且加入牛油果提味，入口后味道嘅层次即刻提升左几倍。顺带一提，佢嘅摆盘会刻意摆成花花嘅造型，都几有创意🌸
鳗鱼牛油果卷🍱 ($138)
话说我个friend系鳗鱼控，本身话食日本餐厅已经要指定系鳗鱼。果不其然呢个组合完全符合我哋嘅期待值，鳗鱼同牛油果亦都非常之夹，而且卷物上面亦都加入咗薄脆，令口感更加丰富~
认真呢间餐厅detail位好多，可以做到玩味十足但食物同Cocktail嘅质素亦好高，餐厅入边成日听到唔同嘅客人讨论店内嘅一切，个个都觉得好fun哈哈
想比朋友一个surprise就梗系拣呢间餐厅啦😆😆
张贴
