Uncle Pizza, Pasta & Grill (已結業)

平时比较少行SOHO区，今日难得经过，试吓𠮶度嘅餐厅，朋友想食pizza同意粉，所以就拣咗呢间。有个大只哥哥出嚟招呼我哋，态度亲切友善，好有耐性咁同我哋介绍有咩推介食物同埋酒，不过我哋唔饮酒，所以冇叫。我哋得两个人，所以只系叫咗一个意粉同一个Pizza，两样食物份量都好足，最后Pizza食唔晒仲要打包走。🍝白酒大蚬扁意粉意粉煮得软硬适中，加咗酒入去煮，未食已经闻到阵香味，加上啲蚬劲多劲大只，只只都肥嘟嘟胀卜卜，食落口仲好爽口弹牙，肉质好鲜甜。🍕Uncle Cowboy (B.B.Q. Lover)我本身系meat lover，又钟意BBQ酱汁，所以见到Uncle Cowboy即刻谂都唔使谂就拣咗。Pizza上面有辣肉肠、辣味肠、火腿同青辣椒，非常惹味，加埋满满嘅芝士，一攞起拉丝拉到几呎长，未食已经流晒口水。Pizza系脆饼底，虽然有肉有芝士，但系一啲都唔腻，食完一块又一块。去开SOHO区，一定要嚟呢间餐厅食，诚意推介！