Uncle Miguel

营业中

休息中

自从几年前去过墨西哥旅行之后，就发现原来墨西哥食物系好健康，好多蔬菜、粟米片、牛油果，全部都系清新易入口嘅开胃食物。今晚同朋友去中环揾食，上咗soho见到呢间墨西哥小店，就去试试先。首先叫咗碟脆粟米片伴番茄莎莎酱及青莎莎酱，啲莎莎酱酸咪咪真系好开胃，加埋脆香粟米片，永远都唔够喉。墨西哥芝士馅饼，里面有啲烤肉，加埋我另一最爱嘅芝士，放上夹饼一齐食，配以牛油果酱同酸忌廉，又开胃又好食。因为一次过想食多几款小食，就不如叫一份Taco platter，一次过可以食到仙人掌、鸡、牛、猪、巴哈鱼，仙人掌够晒特别，再加上秘制酱汁相当滋味。甜品都相当出色，系炸油条配自家制焦糖酱，呢间餐厅做嘅churros都可谓相当正宗，同以前喺西班牙食过嘅质素都差不多，为今晚画上完美句号。