影片
更多
2021-10-18
342 浏览
呢日同朋友庆祝生日🎂，想食好啲啲，于是认真上网揾吓有乜正嘢。我见旺角有间楼高三层嘅新餐厅进驻㖞，睇见「Lab Eat Bistro」个名，我就记得帮衬过佢集团，印象中系有质素。我预先喺网上订枱，并写上生日要求，我先行到步作安排，但其实我都唔使出声，店员就主动确认🙏🏻。餐厅面积好大，座位区占两层，装修行工业风，简单而不失格调。再者，餐枱之间有一定距离，唔逼夹，我哋坐得好舒服。餐厅卖嘅菜式选择唔少，集多国菜于一身🍽，而且更创意十足！主菜定价稍贵，不过小食、配菜同甜品等就好抵食，拉上补下都OK啦。辣肉肠白酒煮蚬($78)，煮蚬以砵仔盛上，气派十足。蚬一啲都唔细只，而且仲非常肥美鲜甜。白酒汁亦系精华所在，配以洋葱丝同辣肉肠一同煮制🥓，而酒味就香而不呛。鹅肝炖蛋($68)，呢款前菜好特别，鹅肝同炖蛋分别食得多，但夹埋一齐就比较罕见。两者沟埋食毫无违和感，炖蛋嘅甜味衬托出鹅肝嘅鲜味。佢配以多士脆片作伴🍞，比起单独食更佳。牛腹扒($288/8安士)，牛扒有四个部位可选🥩，各有特色。店员介绍牛腹位置算系肌肉位，肉味比较浓，亦不乏油香，建议熟度为三成至五成，否则惊变得难嚼。牛扒肉身呈粉红色，符合我哋要求
呢日同朋友庆祝生日🎂，想食好啲啲，于是认真上网揾吓有乜正嘢。我见旺角有间楼高三层嘅新餐厅进驻㖞，睇见「Lab Eat Bistro」个名，我就记得帮衬过佢集团，印象中系有质素。
我预先喺网上订枱，并写上生日要求，我先行到步作安排，但其实我都唔使出声，店员就主动确认🙏🏻。餐厅面积好大，座位区占两层，装修行工业风，简单而不失格调。再者，餐枱之间有一定距离，唔逼夹，我哋坐得好舒服。
餐厅卖嘅菜式选择唔少，集多国菜于一身🍽，而且更创意十足！主菜定价稍贵，不过小食、配菜同甜品等就好抵食，拉上补下都OK啦。
辣肉肠白酒煮蚬
$78
14 浏览
0 赞好
0 留言
鹅肝炖蛋
$68
18 浏览
0 赞好
0 留言
牛腹扒($288/8安士)，牛扒有四个部位可选🥩，各有特色。店员介绍牛腹位置算系肌肉位，肉味比较浓，亦不乏油香，建议熟度为三成至五成，否则惊变得难嚼。牛扒肉身呈粉红色，符合我哋要求嘅五成熟，肉质唔韧。牛扒上枱时经已切开，食用方便。酱汁方面，阿根廷青酱由香草同蒜头整成，味道清新，不过我认为可以咸啲。
慢煮法式鸡胸配白酒忌廉汁($188)，餐厅大部份主菜都系肉扒，意粉同饭就得三款。由于我哋系食肉兽，所以再嗌咗肉肉。🐔鸡胸完全被白酒忌廉汁所覆盖，好震撼！忌廉汁几重蘑菇香，亦难得唔腻。鸡胸大件肉厚，慢煮方式能够锁住肉汁，令肉质无变嚡。鸡胸搭配多款配菜，例如有薯蓉、车厘茄同露笋等。
甜醋糖心蛋
$38
10 浏览
0 赞好
0 留言
韩式椰菜花
$38
11 浏览
0 赞好
0 留言
黑白西多士配雪糕
$58
9 浏览
0 赞好
0 留言
饮品方面，非酒精类别选项较少，建议可推出Mocktails。我哋要咗冻薄荷茶($32)同埋热蓝花皇家伯爵红茶($38)，前者几大杯同够清新🌿。后者无用上靓靓茶杯，味道亦系普通伯爵茶，不过胜在店员会主动帮忙再三添茶，抵饮。
总括嚟讲，餐厅各方面都令人满意，食物味道有水准，设计有心思😋。另一边厢，店员们嘅专业服务态度亦值得表扬。佢哋每一位都表现得好有活力，对菜式内容熟悉，主动关心客人需要，绝无可挑剔嘅地方。如果要比分餐厅，我会比99分，扣咗1分系因为餐厅太受欢迎，有几样菜式售罄，无机会食到，不过我会再次嚟帮衬㗎！最后，I have SOMETHING推介FOR YOU: Lab Eat Bistro👍👍。
张贴
