牛之館 (已結業)

今日同老友食放题火锅@牛之馆，喺地点就脚又便利嘅朗豪坊附近。入座时见环境干净卫生，坐位舒适。汤底共有8 款，我哋点咗润喉滋补嘅椰子泉水鸡。套餐有多款高质靓牛，其中至爱SRF和牛肩胛肉眼芯；纹理均匀有小小油花，超柔软入口即化。另有手切封门柳、澳洲草饲牛颈背、安格斯牛板腱、安格斯牛小排同安格斯一口牛等。全部都好新鲜同有质素。咬落油脂香有肉汁，牛味重好好味😋。海鲜亦有颇多选择：鱼腩美味、花甲鲜甜冇沙、大大只鲜虾爽口。自助区除了有调味料，还有熟食、炸物任取。亦有多款丸类同蔬菜、乌冬、出前一丁及日本薯粉等。饮品有汽水、果汁同樽装花茶。甜品有西米露糖水、双色雪糕、豆腐花等等。非常之多元化。今晚大满足😋好饱又好食。