江南瀨粉 (福榮街) (已結業)

晏昼去完砌女，肚仔饿揾野食，一出高登就见到呢间野新开无耐干干净净，就入去会一会佢。系粉面铺黎讲，呢间铺既装修唔错，几有心思揼本，感觉都算系有心去经营。铺头以濑粉做卖点，计过数嗌set同散叫都差唔多，试新野当然系要乜都试下，最后叫左佢个大大碗鲜制濑粉，会一会佢到底有几咁大碗！黎到真系无违反商品说明条例，唔单止大碗，配菜都好足料。汤底方面，都唔算重口味，起码我唔系好觉得颈渇先。 濑粉方面， 条条都爽滑弹牙，虽然佢粗幼长短不一， 但系就系咁先反映到， 同传统机啤出嚟有分别。我特登加咗鹅肠同炸鸡翼， 鹅肠好干净冇异味， 呢个价钱呢个份量都算系咁， 炸鸡翼就真系不得了， 极高质， 外脆内嫩， 不过食咗时要小心， 可能唔系繁忙时间啦， 即叫即炸， 差啲辣亲， 真系好有罪恶感！