榮華南洋冰室

营业中

休息中

又因工作关系嚟到上环，可以四围揾食。一直已经知道斜路上面有间冰室，怀旧装修之余嘢食不错，便入去试试。一入到去，个Staff超friendly，帮我揾原位之余，仲睇吓系咪风口，又嘘寒问暖。然后我话想去洗手间，仲帮我开门，睇吓地下有冇湿，先请我入去。估唔到系呢啲怀旧冰室，都有五星级酒店嘅服务食物方面，我叫咗香茅猪扒金边粉。猪扒调味不错，充满香茅味，但略嫌太肥，有一半都系肥膏😩 金边粉味道正常，但可以再有咬口啲，可能煮得内咗。汤底系清汤，都算清甜，但都偏淡，可以再入味啲。环境干净，我去嘅时候冇咩客，所以都坐得舒服。周围挂满唔同celebrities嘅签名，地下仲用紧极怀旧嘅纸皮石，呢个地方打卡都一流。