星巴克咖啡

营业中

休息中

啲人成日话要摸住酒杯底倾野，点解呢？唔通会efficient 啲？定系成功率高啲？！🤔不过今日我就趁住要落铜锣湾倾野，专登约系Starbucks 旗舰店，顺便朝圣一下。嚟之前已经谂定要试佢嘅旗舰店限定啤酒Sparkling Kenya IPA🇰🇪 🍺。其实我都系第一次系Starbucks饮啤酒，认知不多，盲试味道，饮得出好重花香，杏桃香，有少少果酸味，充分展现出kenya冷萃咖啡嘅特性，柔和得嚟有种好清新嘅感觉😍，好适合天气咁屈闷嘅今日饮呢👍。另外其实我今日仲连早午餐都skip埋, 就系为左嚟呢度一次过试埋佢嘅Pancake🥞, 点知系要等到三点后先至有供应，差啲饿死我😅。我拣左士多啤梨口味，因为夏天想食啲fresh啲嘅甜品，唔好咁腻。但讲真，佢其实只系一般好味嘅传统Pancake, 食得出用料新鲜有质素，但冇乜特别，不过因为系Starbucks供应，而且系旗舰店限定，身为Starbucks 忠实打趸王点都要嚟试架喇，如非Starbucks迷可以不理😝。