日多郎外賣壽司專門店

营业中

休息中

之前见过有人share话呢间d外卖寿司唔错，最吸引系佢通宵营业，深夜随时想食寿司都可以叫外卖，按地区满指定金额就可以免费送货，都算几抵。今次系荃湾staycation，深夜肚饿想食寿司，就谂起呢间野。荃湾区就需要叫满$500先送货，叫下刺身叫下寿司好快就够。whatsapp落单，用转数快比钱，大约等左半个钟就送到，都几快呀。刺身叫左八爪鱼、带子、赤虾、油甘鱼，d刺身望落都唔错。几新鲜，好鲜味，特别带子，但虾就一般姐，唔够鲜。寿司方面，卖相都唔错的。鱼生唔会太细/太薄。不过d饭唔系好有寿司醋味，但d饭不会太硬，唔错。军舰都唔错，紫菜仲脆，烧帆立贝都唔错。总结，食物唔错，服务唔错，不过价钱略贵，但深夜送外卖嚟讲都算抵。