影片
更多
2021-01-30
5849 浏览
为庆祝结婚周年，又因疫情无得去旅行，就专登拣咗远离市区又有渡假环境嘅「黄金海岸酒店」住番晚加饮饮食食，买咗个「悠然下午茶住宿计划」，包双人豪华海景房、入住当日嘅主题下午茶、翌日嘅双人自助早餐。虽然个住宿计划无包午餐，但今早食完早餐，再去行千岛湖，返到嚟啱啱好正午多啲，退完房就顺道晌埋酒店内嘅「沙嗲轩」食完午餐先走，一来觉得酒店晌防疫方面做得好，二来食过好几次「沙嗲轩」（尖沙咀分店）都喺印象良好，三来拣食星马菜感觉就更添渡假气氛，故此就梗喺舍远取近啦。 始终喺酒店餐厅，环境唔会差得去边，整体布道雅致，加上疫情关系，枱与枱更加编排得多一点距离，所以，空间感更强。 我哋被安排坐晌落地玻璃一旁，自然更光猛，视野更开扬，让人感觉更舒适。 而对出有啲高脚枱櫈，可以俾客人坐晌出面饮吓嘢，只可惜疫情下未有开放。 上面都提过，晌度食嘢就喺贪酒店做防疫做得好，甫坐低，侍应捧咗一大盆热水连钢夹，喺俾客人消毒餐具用，呢啲就喺细节位嘅分野。「沙嗲轩」主打喺卖星马菜，翻一翻餐牌，当然发现唔少熟悉嘅星马菜式啦。分类上，包括前菜、汤品、海鲜、鸡类、牛肉、传统星马美食、饭类、蔬菜类、甜品及饮品。结婚周年，当然要食得尽兴
始终喺酒店餐厅，环境唔会差得去边，整体布道雅致，加上疫情关系，枱与枱更加编排得多一点距离，所以，空间感更强。
我哋被安排坐晌落地玻璃一旁，自然更光猛，视野更开扬，让人感觉更舒适。 而对出有啲高脚枱櫈，可以俾客人坐晌出面饮吓嘢，只可惜疫情下未有开放。
上面都提过，晌度食嘢就喺贪酒店做防疫做得好，甫坐低，侍应捧咗一大盆热水连钢夹，喺俾客人消毒餐具用，呢啲就喺细节位嘅分野。
「沙嗲轩」主打喺卖星马菜，翻一翻餐牌，当然发现唔少熟悉嘅星马菜式啦。分类上，包括前菜、汤品、海鲜、鸡类、牛肉、传统星马美食、饭类、蔬菜类、甜品及饮品。结婚周年，当然要食得尽兴一啲！
沙嗲 $138 / 半打 先嚟一客沙嗲，有鸡牛猪供选择，亦可以综合要齐3款。啲串烧烧得极有炭火香，热辣辣，上枱已嗅到肉香，咬落有肉香，富肉汁，唔会「干争争」，加上有啲㶶边位，就更加焦香，当然自家炒制嘅花生沙嗲酱亦功不可没，又香又浓，带有微细嘅花生粒，绝对货真价实，串烧沾满沙嗲酱味道更惹味且具层次。
沙嗲
$138
59 浏览
0 赞好
0 留言
蟹肉冬笋肉丸汤 $88就快过农历年，虽然小弟喺地道港人，但我都应吓节嗌呢一款蟹肉冬笋肉丸汤，喺新加坡当地庆祝农历新年嘅应节食品。肉丸以新鲜猪肉打成，咬落极之松化，并带少少油香，而汤里面除有蟹肉、冬笋，仲有啲鱼肚，所以，味道丰富。此外，汤底喺鸡汤嚟，浓而不浊，清香好饮。温馨提示，因为喺应节时令嘢，可能你会见餐牌无，但其实喺可以预订，全年供应。
蟹肉冬笋肉丸汤
$88
54 浏览
0 赞好
0 留言
招牌海南鸡 $268 / 半只嚟沙嗲轩又好难唔翻兜佢哋嘅海南鸡饭，因为真喺好有水准，因应人数可以拣全只、半只或海南鸡连饭嘅套餐。想满足啲，好似我哋咁点够半只，另外加一碗鸡油饭（$28）。半只嘅份量真喺唔讲得笑，并传统咁配上三色酱料（姜蓉、特制辣椒酱、黑酱油），卖相精致。
招牌海南鸡（半只）
$268
36 浏览
0 赞好
0 留言
蒜蓉咸鱼炒芥兰 $98又沙嗲，又海南鸡，当然要一道蔬菜嚟平衡吓，而呢一道蒜蓉咸鱼炒芥兰就最惹味，芥兰切成小件，方便食，蒜蓉搭咸鱼，咸香得嚟有层次。
嚤嚤喳喳 $68嚤嚤喳喳喺星马，甚至泰国、印尼嘅经典糖水，简单而言，就喺一啲蕃薯粒、芋头粒混晌椰奶中，当然唔同地方嘅配搭有少少差别，可能加埋啲红毛丹、菠萝蜜之类。我哋要咗个冻食嘅，但凉凉哋，唔会太冰，入口清凉舒服，蕃薯粒及芋头粒都好够粉，而椰奶好清甜，唔喺罐头货𠮶种浓得嚟死甜咁。
马六甲椰汁西米布甸 $63一个黑糖，一个枫糖，一个棕榈糖，老婆同我都好钟意，而呢个甜点都曾经晌尖沙咀店食过，当然要俾老婆都试吓啦，其亮点就喺加入棕榈糖。咪睇佢样得啲椰奶，得嚿西米，好似普通，但一样好有手功。西米压成球形，咪以为好实，其实一笃就开，而且，啲西米粒粒分明，弹牙有啲烟韧感，棕榈糖甜得嚟有好强嘅清纯糖香，捞匀埋啲椰奶，甜度啱啱好。
马六甲椰汁西米布甸
$63
49 浏览
1 赞好
0 留言
撞啱近排天气回暖，又加上用餐嘅时候阳光普照，气氛已经让人称心。唔使急，唔使赶，两口子食咗个几钟，真正慢慢叹。以一餐既丰富，又有特色嘅午餐，为人生第一次嘅Staycation作结，就最好不过。
张贴
