影片
更多
2022-07-31
1902 浏览
一行三人，家庭聚餐，对食物冇乜期望，只系想坐耐D，边食边倾吓计。每位有限量既半只焗龙虾同焗蚝，味道一般。有职员逐枱提醒乳猪只出一次，但偏油，唔脆，仲有好强烈既膻味冻海鲜大部分都过咸，比较可以既系龙虾钳同好难攞既面包蟹。辣牛肉沙律同青木瓜沙律好开胃，酸辣甜比例完美。熟食方面，海南鸡够嫩，印度咖哩芝士同乳酪鸡好正，香料足，味道算几正宗。其他一般。有即煮海鲜泡饭，冬荫功汤面，冇试。甜品印象深既系Tiramisu，每次只出两到三份，系可以见到未浸既ladyfingers，而咖啡酒系即场混合，可可粉亦系立刻筛上去。cheese好滑口，手指饼质地刚刚好，干湿拿捏得啱啱好，推荐一试。Häagen-Dazs 有3个新口味，strawberry and watermelon，chocolate and strawberry twist and crunch, cherry and strawberry，仲有抹茶。最中意朱古力脆脆加士多啤梨，好有口感。饮品有自助区，有汽水，冻热茶水，咖啡，奶可以自斟自饮，方便。整体食物一般，但staff好勤力，而且好留意客人需要，refill算快，即使差唔多完场，例如雪糕
每位有限量既半只焗龙虾同焗蚝，味道一般。有职员逐枱提醒乳猪只出一次，但偏油，唔脆，仲有好强烈既膻味
冻海鲜大部分都过咸，比较可以既系龙虾钳同好难攞既面包蟹。
辣牛肉沙律同青木瓜沙律好开胃，酸辣甜比例完美。
熟食方面，海南鸡够嫩，印度咖哩芝士同乳酪鸡好正，香料足，味道算几正宗。其他一般。
有即煮海鲜泡饭，冬荫功汤面，冇试。
甜品印象深既系Tiramisu，每次只出两到三份，系可以见到未浸既ladyfingers，而咖啡酒系即场混合，可可粉亦系立刻筛上去。cheese好滑口，手指饼质地刚刚好，干湿拿捏得啱啱好，推荐一试。
Häagen-Dazs 有3个新口味，strawberry and watermelon，chocolate and strawberry twist and crunch, cherry and strawberry，仲有抹茶。最中意朱古力脆脆加士多啤梨，好有口感。
饮品有自助区，有汽水，冻热茶水，咖啡，奶可以自斟自饮，方便。
整体食物一般，但staff好勤力，而且好留意客人需要，refill算快，即使差唔多完场，例如雪糕某味道冇哂，只要主动问，职员都乐意帮手入雪房攞。餐厅既气氛好好，感觉舒服自在。
张贴