影片
更多
2014-06-26
796 浏览
一向都几钟意Subway嘅产品，因为价钱实惠之余，份量十足，又可以自由选择配料。以往多数帮衬半岛中心分店，贪佢近尖东百周年纪念公园，尤其秋凉，买个潜水堡，边享受阳光，边享受美食，心情都宁舍开朗。不过，自半岛中心分店结业后，如再要晌百周年纪念公园叹潜水堡，就要光顾帝国中心分店嘞。依晚走到过嚟，估唔到咁多人排队。大抵因为潜艇堡选择款式多，用料丰富，由包款、配料、酱汁都可按个人喜好自由配搭，实在好适合香港人多心又成日想试新嘢嘅心态，当然，味道好先可以长远留住客人嘅。记得以前Subway嘅潜水堡分4个级别：经典Classics、滋味Favorites、传统Traditional及优质Premium，虽然依家取消咗名称上嘅分级，但都照样分开4个价钱：$25.8、$29.8、$35.8、$39.8（以6吋单价计），分别在于所用嘅主材料。加$13.8就可以转为套餐，包括多杯16安士汽水或330亳升罐装，以及两块美式曲奇或薯片一包，其实加十几蚊多两块美式曲奇都抵啦。有食开Subway嘅人都知，佢哋一向都有5选1嘅抵食「$25Combos」组合，一款6吋潜水堡加一杯中汽水或330亳升罐装，都只喺卖$25
依晚走到过嚟，估唔到咁多人排队。大抵因为潜艇堡选择款式多，用料丰富，由包款、配料、酱汁都可按个人喜好自由配搭，实在好适合香港人多心又成日想试新嘢嘅心态，当然，味道好先可以长远留住客人嘅。
记得以前Subway嘅潜水堡分4个级别：经典Classics、滋味Favorites、传统Traditional及优质Premium，虽然依家取消咗名称上嘅分级，但都照样分开4个价钱：$25.8、$29.8、$35.8、$39.8（以6吋单价计），分别在于所用嘅主材料。加$13.8就可以转为套餐，包括多杯16安士汽水或330亳升罐装，以及两块美式曲奇或薯片一包，其实加十几蚊多两块美式曲奇都抵啦。
有食开Subway嘅人都知，佢哋一向都有5选1嘅抵食「$25Combos」组合，一款6吋潜水堡加一杯中汽水或330亳升罐装，都只喺卖$25。贪小便宜嘅小弟就一定拣本身最贵嘅辣味经典，因为单价都要成$35.8，加埋杯中杯汽水$10，足足喺55折，抵过食麦记啦。
不过，今次嚟就唔喺食依个$25Combos喇，而喺另一个限定供应嘅组合：6吋公司潜艇堡 + GLACÉAU vitaminwater。以单价计，前者卖$39.8，后者每樽卖$18，依家合计卖$42，都平近3成；又或者咁谂，买个公司潜艇堡，加多两蚊多啲就有成支「维他命水」，感觉就仲抵。反正有啲人唔饮得汽水，又唔钟意食曲奇，套餐优惠都无佢份，而依个组合又可能几啱佢哋。
公司潜艇堡4种面包（蜜糖燕麦、全麦、意式香草芝士、白面包），始终都喺蜜糖燕麦包喺小弟至爱，因为外型粗中有柔，软熟而带有点点甜香，又有种燕麦嘅粗糙口感。如果唔钟意食包，客人亦可拣卷饼，即喺好似啲墨西哥卷咁，免费转唔需要额外加钱，较为人性化嘅政策。
依款潜艇堡预设好嘅主材料包括火鸡胸肉片、火腿薄片及烧牛肉，既然要食得「芝选」，梗要求加芝士啦，而配菜要咗青瓜、蕃茄、腌酸瓜、紫洋葱、青椒、生菜丝和橄榄，加起嚟一啲都唔配角呀。
酱汁，又喺蜜糖，蜜糖芥辣酱吖，唔该！
一份满满嘅公司潜艇堡就即时呈现眼前，拿上手已知斤两十足，非常坠手。实在太多材料喇，影相可能唔多好睇，不过味道就绝对唔失礼。啲薄肉片薄嫩好食，尤其烧牛肉，就算薄薄一片都食出味道，而纷陈嘅配菜，满足晒味蕾嘅好奇，口感、味道晌口腔内都变化万千，每一啖都有所不同，依个就喺Subway潜艇堡嘅精彩之处。
GLACÉAU vitaminwater柠檬味「维他命水」印象中都喺第一次饮，以低卡、缊含丰富维他命、无添加人工色素或香料为卖点，据知已经出咗近十款，不过，今日晌度所见，就只有4款：blueberry、orange、dragonfruit、lemonade。拣嚟柠檬味因为喜欢清爽嘅感觉，冰凉嘅柠檬味维他命水，入口微酸，柠檬味唔会太抢，虽则话喺无添加嘅营养素饮品，始终跟鲜榨果汁唔同，个人觉得较似饮「得力素」一类嘅营养饮品。
再睇番个宣传板话件6吋公司潜艇堡只有6克脂肪，虽然唔知实际点样量度，但食落的确滋味轻盈，尤其配以开胃酱汁。多谢公关嘅送赠，一份美味嘅潜艇堡，一樽满载活动嘅营养饮品，叫人好好准备迎接依个炎炎盛夏。
题外话/补充资料：
利益申报：虽然无剔到「试食活动」一栏，但文中已表明喺公关送赠，再者，小弟当日换领潜艇堡都喺整好之后，再递上换领信，事前全无预订，所以，认为无必要剔「试食活动」多此一举啫。况且，人人口味不同，上述食文都喺随心所发，个人食后感而已！
(以上食记乃用户个人意见 , 并不代表OpenRice之观点。)
张贴
