Subway (已結業)

久唔久会食Subway，佢哋有啲廿几蚊餐就有六吋包同罐装嘢饮，平得嚟又几多蔬菜。我拣咗火腿套餐，面包就系意式香草芝士包，蔬菜就拣咗蕃茄、墨西哥辣椒、生菜同酸瓜，佢哋仲有红洋葱、青瓜、黑橄榄同青椒，可以要求加晒，但又系好似太多款个味会好杂，所以我通常只系会拣几款，而个酱我就要咗红酒醋。好钟意一啖菜一啖肉嘅感觉，唔寡又好似比较健康。红酒醋酸酸哋，令个包食落冇咁漏，不过因为佢太流质，食𠮶阵会滴汁，都食得几麻烦，下次都系要啲比较稠身嘅酱汁会好少少。