松記糖水店

营业中

休息中

食完晚饭想坐多阵，离远见到松记招牌即刻入去。 晚上8点几唔算好多人，可以随便坐。 每次黎都会叫Summer，今次想试下新野，原来都有好多新款，单系餐牌都有4、5版，选择困难症又发作。杂果芋圆仙草冻 ($30)超钟意食仙草既我一见到新系列即叫，底下既仙草冇令我失望，滑嘟嘟充满仙草既幽香。 几钟意面头类似珍珠既深褐色粒粒，烟韧得黎食落都有少少仙草既香味，唔会太甜。杂果同Summer一样，有芒果、西瓜、奇异果、蜜瓜等，全部都够甜又足料。 不过主打既手制芋圆反而几失望，雪到有少少硬又痴埋一旧，唔太烟韧弹牙，同食粉团一样。热芝麻糊豆腐花 ($17)最近超想食芝麻糊，可惜呢碗只系开粉货色，豆花够热同滑，但豆花水又再一次沟淡左芝麻糊，成个组合好失败，都几失望。