金利來食坊 (已結業)

好臭ar...昨夜等埋太太做完yoga后食dinner。每次行过呢度都系灯火通明，人气极度鼎盛。决定一试...之前上嚟OR做定功课，餐牌都唔使望就叫飘香鸡、窝贴炸虾饼及蒜茸粉丝蒸扇贝...典型大牌档格局，环境算系亁净。但对于我呢种对食物质素重于一切嘅人嚟讲，系唔会太care个环境嘅...每碟嘢嘅份量十足。虾饼大大块，正式抵食夹大件，质素就普通la，表皮炸得唔够金黄，虾胶打得唔够弹牙。但胜在够大份...飘香鸡虽然只系叫例牌，但一样系够大份。鸡件上面舖有极多嘅蒜粒、辣椒粒及葱粒，极惹味，用嚟捞饭确系一流。可惜个豉油汁落咗太多师傅，过多嘅蒜粒完全掩盖应有嘅鸡味；鸡当然系雪藏货，不值一提...扇贝属普通货，但上面又系舖有大量蒜粒...卒之食完后个口臭到第二朝，食多多香口胶都搅唔掂...呢次真系"臭味相投" lor...