スーパー丼 (駱克道) (已結業)

门面简朴到好似玻璃小屋，想像唔到佢就系晌SOGO后面，硬系觉得呢类小店只会出现晌大坑入面咁。入口侧边系水吧兼食物制作区，同埋有排高身吧台，另外仲有几张双人台。餐牌封面有啲似日本杂志，都几简约。我试咗一碗海鲜丼，转定食嘅话就包沙律同面豉汤。沙律有罗马生菜、车厘茄同豆腐，同埋用咗日式芝麻酱调味。面豉汤味道唔过重，仲有唔少昆布、腐皮同大葱。海鲜丼嘅牡丹虾大只厚肉脆嫩，大吞拿鱼腩虽然唔算入口即化，但都几有油香同鱼鲜味，北海道马粪海胆每瓣都非常完整，食起嚟软绵甘甜。碗入面仲有味噌蒜、渍萝卜、牛蒡、酸姜、紫苏叶同紫菜丝，米饭软糯又有啲咬口，仲有少少醋味，芥末就几香同埋唔攻鼻，加埋一齐食感觉唔错。